Skip to main content

Hvar er Baku?

28.06.2021

Hvussu ber tað til, at ein dystur í EM-endaspælinum í fótbólti verður spældur í einum asiatiskum landi?

Á veggjakortinum Heimurin (Nám 2016) sæst býurin Baku, sum er høvuðsstaðurin í Aserbadjan, sum er har eysturi við Kaspiska havið í Asia.

Í Atlasinum, sum Nám gav út í 2014, sæst býurin Baku á blaðsíðu 100, sum sýnir tann partin av Asia, sum er Vesturrussland.

Hóast hetta er Aserbadjan við í Eurovision Song Contest og í EM 2020. Avstralia, Ísrael og onnur lond, sum ikki eru í Evropa, eru eisini við í evropeisku sangakappingini.

Nám hevur spurt Keith Moore, kortstjóra, hjá Harper Collins, um Aserbadjan er í Evropa. Hann svarar soleiðis:

- Aserbadjan er avgjørt IKKI í Evropa. Tað er í Asia.

- Asiatiska/evropeiska markið gjøgnum Kaukasus fylgir altjóða markinum millum Russland í norðri og Georgia og Aserbadjan í suðri.

- Allíkavæl eru folk, sum halda uppá, at veruliga markið millum Evropa og Asia skuldi verið eftir fjøllunum í Kaukasus, tað er at savna tindarnar eftir einari avgerandi linju.

 - Gjørdi tú hetta, so kann landnyrðingsparturin av Aserbadjan sníkja seg inn í Evropa, men eg kenni ongan, ið ger kort, sum fylgir eini tílíkari siðvenju.

Uppgávur:

  1. Hvørji lond, sum ikki eru í Evropa, hava vunnið evropeisku sangkappingina?
  2. Hvat land, sum hevur verið við í evropeisku sangkappingini, er longst burturi frá okkara heimsparti?
  3. Hvørji lond eru við í Arktis?
  4. Hvørji lond uttanfyri Evropa eru við í evropeisku fótbóltssamgonguni UEFA?