Undirvísingargongdirnar eru lagdar á temasíðuna Kvæði og dansur.

Far til undirvísingargondirnar

Endamál
Undirvísingargongdirnar eru skipaðar soleiðis, at allir næmingarnir læra eina samlaða kvæðaheild. Hetta so at næmingarnir fáa samanhangandi undirvísing í kvæðum gjøgnum alla skúlagongdina, soleiðis, at teir á hvørjum ári kunnu taka afturíaftur tey kvæði, sum teir hava lært árini frammanundan, og harvið kann dansurin ganga smidligari.

Afturat hesum eru vísur, ið verða tiknar upp á hvørjum ári, umframt at aðrir barnasangir kunnu nýtast at læra stevið.

Eisini mæla vit til at byrjað verður at læra dansispøl longu í grunddeildini.

Við hesi undirvísingargondini eru eisini nøkur spøl, sum kunnu nýtast at læra kvæðini uttanat.

Í undirvísingini í føroyskum dansi eiga hesi evni at vera nomin við:

• Hvat er føroyskur dansur?
• Stev
• Læra kvæði uttanat
• At brúka allan kroppin at dansa við
• Hvat merkir tað at skipa?
• Hyggja í eyguni hvør á øðrum
• Munurin á at syngja og kvøða

Tað hevur stóran týdning, at hetta ikki einans er uttanatlæra, men hevur eitt endamál, og at tað er stuttligt.

Senni koma tríggjar undirvísingargongdir afturat.