Flokssett og filmar í Námi
Í lániskipanini mitCFU hava lærarar atgongd til alskyns undirvísingartilfar og kunnu eisini geva næmingum atgongd til tilfar, so sum e-bøkur og filmar.
Í kunningarsavninum í Námi er bøkur til kunningar og íblásturs, og flokssettini fevna fyri tað mesta um fagrar bókmentir á føroyskum, donskum og enskum. Flokssettini fevna um 25-60 bøkur, og lánitíðin er vanliga seks vikur. Harumframt eru eisini fleiri e-bøkur og ein ørgrynna av filmum og sjónvarpssendingum at stroyma.
Yvirlit yvir floksset og filmar til lærugreinina føroyskt á miðnámi og í hádeild fólkaskúlans:
Føroyskt á C- og A-stigi - tekstir fyri 1980
Føroyskt á C- og A-stigi - tekstir eftir 1980
Føroyskt í hádeild fólkaskúlans
Føroyskt á C- og A-stigi - føroyskir filmar og sendingar um Føroyar at stroyma
Námsfrøðiliga ráðgevingin veitir skúlum ráðgeving í fakligum og námsfrøðiligum spurningum.
Til ber at venda sær til námsfrøðiligu ráðgevingina á tlf 555151 ella beinleiðis til einstaka námsráðgevan og gera avtalu um samrøðu ella vitjan í skúlanum ella í Námi.
Endamálið við ráðgevingini er at virka fyri námsfrøðiligari og fakligari menning og at stuðla menningarætlanum, verkætlanum og serligum átøkum í skúlunum.