• Yvirlit
  • Prenta
  • RSS hald


Kular Røtur (Orð og lag: Steintór Rasmussen)

1

At falda við eitt kann ikki ganga galið

Tí úrslitið verður jú altíð sama tali

Tú kanst falda tú kanst deila alla verðina við eitt

Umaftur og umaftur tó onki verður broytt 

2

At falda tvey tað kann ikki vera trupult

Tvey verður fýra og talið bara dupult

Tað er so nógv í lívinum vit læra um vit vilja

At nakað verður tvífalt er einfalt at skilja
 

3

Um tríggjar ferðir seks eru seks ferðir trý

Eru færri tøl at minnast, at rokna minni stríð

Og tríggjar ferðir sjey er altíð ein og tjúgu

Sum sjey stoltir pápar við barni og frúu

Um átta hundarhvølpar høvdu runnið og bart

Ótu fýrutjúgu pylsur so vóru tríggjar í part

Og fekk ein ketta níggjulingar úti í Skúvi

Um hon leggur tríggir ferðir tað verða sjey og tjúgu
 

4

Fýra naknir frensar tóku fótabað

sekstan reinir labbar eftir langan dag

Og fýra grindalokkar hugdu eftir teim

Hygg 8 – 16 – 24 - 32 bein
 

5

Fingrar fimm á hondini og vit hava tvær

Og tey flestu hava eisini 10 fittar tær

Nokk tjúgu tilsamans á hondum og beinum

Men tað verða fjøruti á skúlabørnum tveimum

6

Sekstøl hava búk hesi rundu og snedigu

Og seks ferðir seks tað er seks og tredivu

Í seks heilar vikur eg málaði á løriftið

Seks ferðir sjey, tað er ringt at minnast

nei, seks ferðir sjey er 42

Tað runnu seks torvatrøll marathon á Sandi

48 bein vunnu fram í góðum standi

Og við gongubreytina sat ein gomul fluga

Seks bein afturat tá 54 vit fáa

Níggju ferðir seks er 54 og átta ferðir sjey er 56

 

7

Sjey eiturkoppar lótu seg í skógvar

56 tilsamans tað vóru føtur nógvar

Og trøllini sjey við níggju høvdum sótu

So 63 munnar av trøllasúpan ótu

 

8 - 9

Vit læra eina rímu hvønn týsdag níggju vers

Eftir átta viku vit duga 72

Á jólum og um summarið skúlin heldur frí

Tilsamans níggju vikur ella dagar sekstitrý

Níggju tað er hægsta talið sum øll mugu duga

Og falda vit tvey níggju tøl tá 81 vit fáa

 

10

Og roknar tú við 10 ei úrslitið kann undra

Set tú bert eitt null afturat og 10 verður 100

At læra seg tabellina er næstan sum at ríma

Tað gongur av sær sjálvum um vit bara tíma

 
Nám Hoyvíksvegi 72 Tórshavn Tel. + 298 755150 snar@(if you can see this please update your browser)snar.fo © Nám 2017