Hagvarpið frá Hagstovuni
Vit nærkast 50.000 íbúgvum í Føroyum, og áhugin fyri fólkatalsfrøði er stórur í løtuni. Snar arbeiðir í løtuni við at gera eina temasíðu við heitinum "Næstan 50.000".
Hagstovan er eisini komið við einari nýggjari tænastu, sum tey kalla "Hagvarpið". Hagvarpið vísir eitt úrvæl av samfelagsviðkomandi hagtølum. Grafarnir verða dagførdir sjálvvirkandi, so skjótt sum nýggjastu tølini eru tøk.
- Hagvarpið er ein liður í arbeiðinum hjá Hagstovuni at styrkja almenna hagtalskunnleikan um føroyska samfelagið. Vit arbeiða støðugt við at gera hagtølini meira atkomulig og lættari at brúka, sigur Sigurd Poulsen, stjóri á Hagstovuni við heimasíðuna hjá Hagstovuni.
Tú kanst síggja Hagvarpið á hagvarp.hagstova.fo.
Nýggja temasíðan á Snar, Næstan 50.000, verður klár miðskeiðis í februar.