Vørukurv

Firvaldsbøkur eru eykatilfar í byrjanarundirvísingini í føroyskum. Bøkurnar eru ikki ætlaðar til ávíst floksstig. Men tær kunnu verða nýttar í eini næmingalagaðari undirvísing, so at næmingurin kann, sjálvur ella saman við lærara, arbeiða á tí stiginum, sum hann er á.

Umframt at vera eykatilfar til næmingar, ið arbeiða skjótt, kunnu bøkurnar eisini nýtast sum stuðul at læra seg at lesa – her undir eisini sum serundirvísing. Firvaldsbók 2 er nú komin í broyttari og øktari útgávu. Í flestu uppgávunum skal næmingurin seta løtt orð í samband við myndir og soleiðis læra seg at lesa orðini ella at kenna tey aftur. Fleiri av uppgávunum eru sjálvrættandi, t.e. at antin hava tær eitt loysunarorð ella siga tær, hvussu nógv orð næmingurin skal finna.

Umframt at Firvaldsbók 2 er eykabók í byrjanarundirvísingini, eigur Firvaldsbókin eisini at gera sítt til at økja hugin hjá næmingunum at læra seg nýggj orð og at ogna sær gott arbeiðslag. Mangar uppgávur eru sjálvrættandi, t.e. at annaðhvørt hava tær eitt loysunarorð, ella eisini siga tær, hvussu nógv orð næmingurin skal finna. Uppgávurnar eru stuttligar at loysa! Tær livandi strikumyndirnar hjá Olivuri við Neyst skapa forvitni og áhuga.