Gott er góðum at tæna 1 - Næmingabók
Gevið gætur! Útgávan er útseld og verður ikki prentað aftur
Evnishefti, Gott er góðum at tæna 1, er lagað til bókina Bíbliuna í orðum og myndum, sum Bókadeild Føroya Lærarafelags gav út í 1996. Til evnisheftið hava høvundarnir eisini skrivað lærarahefti við uppgávum og uppskotum um verkevni, og hvussu drama/leikur kann verða brúkt í kristniundirvísingini. Evnini eru lýst bæði bíbilskt og verðsliga. Gott er góðum at tæna 1 bjóðar til, at næmingarnir bæði fáa høvi til at uppliva, lurta, samtala, samstarva, hugsa og nýta síni skapandi evni.
Bíblian í orðum og myndum er grundin undir evnisheftinum. Dentur verður lagdur á at viðgera hesar tekstir væl, so at næmingarnir betur skilja hendingarnar í Bíbliuni, at teir læra at kenna tey ymsu støðini, har sum hendingarnar fara fram, og læra teir ymsu persónarnar í Bíbliuni betur at kenna. Harumframt er fjølbroytt tilfar til tekstir úr øðrum bókmentum, til at tosa um siðalagsligar spurningar, eitt nú øvund, um at lúgva, at stjala og at slatra.