149
Kirkjuárið
48. tími
Vert at vita
Kirkjuárið byrjar við adventini 4. sunnudag undan jólum og endar, tá
ið adventin byrjar aftur. Í kirkjuárinum eru umleið 60 sunnudagar og
halgidagar. Hesar dagar er kirkjugongd, har hvør dagur hevur sín ser
staka tekst úr Nýggja Testamenti. Ígjøgnum árstíðirnar frá advent til
advent sigur kirkjuárið søguna um Jesus.
Jól, páskir og hvítusunna eru stóru høgtíðirnar í kirkjuárinum. Jól verð
ur hildið til minnis um Jesu føðing, páskir til minnis um Jesu deyða og
uppreisn og hvítusunna til minnis um, at heilagi andin kom til jarðar.
Aðrir halgidagar og merkisdagar í kirkjuárinum eru:
Allahalgannadagur – 1. november, minningardagur teirra sjólátnu
Nýggjársdagur, trettandadagur (6. januar)
Septuagesima – 9. sunnudagur fyri páskir
Seksagesima – 8. sunnudagur fyri páskir
Fastalávint – 7. sunnudagur fyri páskir
Boðanardagur Mariu – 5. sunnudagur í føstu
Pálmasunnudagur – síðsti sunnudagur fyri páskir, dymbildagavikan
byrjar
Skírisdagur – hósdagurin í dymbildagavikuni
Langafríggjadagur – fríggjadagurin í dymbildagavikuni
Dýri biðidagur – 4. fríggjadagur eftir páskir
Kristi himmalsferðardagur – 40. dagur eftir páskadag
Ólavsøka – 28. og 29. juli
Kirkjan