87
Jólagátan
– brot úr bókini: Jesusbarnið
Vit eru mitt í verðini, ímillum Evropa, Ásia og Afrika. Og vit eru eisini
mitt í søguni, tá ið okkara tíðarrokning tekur við. Um eina løtu eru vit
mitt í náttini.
Ein friðarligur skari sníkir seg ímillum húsini í Betlehem. Tað er eitt
lítið fylgið við sjey seyðum, fýra hirðum, fimm Harrans einglum, trim
um heilagum kongum, einum rómverskum keisara, landshøvdinganum
undir Norðurpólinum.
Úr vindeyganum úr nøkrum av húsunum streymar eitt kámt ljós frá
oljulampum, sum ikki eru sløktar enn. Men f lest øll í gamla býnum
eru løgst.
Ein av vísmonnunum peikar upp á himmalin, har stjørnurnar glampa
í náttini. Tær eru sum neistar úr einum báli langt burturi.
Ein stjørna lýsir bjartari enn allar hinar tilsamans. Tað sær eisini út,
sum um hon stendur lægri á himmalinum.
Eingilin Argiel vendir sær móti hinum, setur fingurin fyri munnin
og teskar, teskar:
– Hyssj … hyssj…
Pílagrímsfylgið fer ljódliga til eitt av gistingarhúsunum í býnum.
Í eitt sekund ella tvey, sæst verturin í vindeyganum. Tá ið hann sær
skaran uttanfyri, nikkar hann avgjørdur og peikar á hellið í fjallinum.
Eingilin Efiriel teskar okkurt, sum ljóðar sum eitt gamalt vers:
– „Og meðan tey vóru har, kom løtan, tá ið hon skuldi eiga son sín,
tann fyrstafødda, reivaði hon hann og legði hann í eina krubbu, tí rúm
var ikki fyri teimum á gistingarhúsinum“.
Tey fóru spakuliga um túnið og steðgaðu framman fyri hellinum.
Dreymurin segði teimum, at har var eitt fjós.
Brádliga hoyrdist barnagrátur í kvirruni.
Tað hendir nú. Tað hendir í einum fjósi í Betlehem.
Uppi yvir fjósinum blunkar ein stjørna. Í fjósinum verður tað lítla
barnið reivað og lagt í eina krubbu.
Himmal og jørð møtast. Tí barnið í krubbuni er eisini ein neisti út tí
stóra bálinum aftan fyri tey veiku ljósini á himmalinum.
Soleiðis er undrið. Soleiðis er tað eitt undur, hvørja einastu ferð eitt
nýtt menniskjabarn verður føtt.
Ein kvinna andar djúpan og grætur. Tað er ikki ein eymkiligur grátur,
men ein stillur, djúpur og lukkuligur grátur. Men barnagráturin hoyr
ist framum. Jesus er føddur. Hann er føddur í einum ljósi í Betlehem.
Hann er komin niður á okkara neyðars jørð.
Eingilin Efiriel vendir sær hátíðarliga móti hinum pílagrímunum og
sigur:
– Tykkum er í dag ein frelsari føddur í Dávids staði.
Augustus keisari nikkar: