Kall og Svein ungi
term papers on obesity academic writing for graduate students second edition answer key dissertation writing services malaysia cost coursework layout help assignment help adelaide neural networks research papers uspto assignmentsCCF 182 B
TSB F 70
1 “ Hvar rakst tú neyt míni? “
- segði Kall -
”Oman út í akur tín,”
- segði Svein ungi.
2 “Hvør bað teg reka tey hagar?”
“Har lá vegur mín.”
3 “Skamm fái teg rekandi.”
“So tú meg biðjandi.”
4 “Eg vildi, tú skuldi verið flongdur.”
“Við mjúkari ostflís.”
5 “Við skørpum homlubandi.”
“Ryggur tín undir.”
6 “Eg vildi, tú skuldi hingið niður fyri berg.”
“Sterk lína á mær.”
7 “Og einfaldur hosnatráður.”
“Sjálvur tú á endanum.”
8 “Eg vildi, tú skuldi flotið á víðum vatni.”
“Sterkur bátur undir mær.”
9 “Ongar *sovorðnar árar.”
“Árar av jarni.”
10 “Ein bátur við ongum árum.”
“Lotið ligið at landinum.”
11 “Eg vildi, eg skuldi hildið á øksi míni.”
“Og staðið føst í nakka tínum.”
12 “Eg vildi, eg skuldi hildið á knívi mínum.”
“Og staðið fastur í nakkarivi tínum.”
13 “Eg vildi, eg skuldi hildið á spóni mínum.”
“Og skorðaður fastur í góma tínum.”
14” Gud stýri mínum viti,”
- segði Kall -
“Nasar tínar eru mínum ‘skiidi’,”
- segði Svein ungi.
CCF 182 B
TSB F 70
Handrit: Hanus Hanusson: Fugloyarbók (fyri 1854), nr. 74 (AM, Access. 4).
Útgávur:
1. Føroya kvæði (N. Djurhuus greiddi til útgávu 1972), Band VI, s. 267.
2. Føroya kvæði (Inngangur og úrtøk eftir Dánjal Niclasen, 2004) 35. bind, s. 147.
Heimild: Úr Fugloy: Hanus Hanusson, Sjeyndi Hanus (1794-1854), Hattarvík.