Les og spæl føroyskt

Í komandi viku fara vit undir Spæl føroysktvikuna, sum er átak hjá Føroya tónleikafelag. Spæl føroyskt setur føroyskan tónleik í brennidepilin, og hesa vikuna verður eggjað til, at føroyskur tónleikur verður at hoyra í almenna útvarpinum, kaffistovum, handlum og í almenna rúminum sum heild.

Føroyskur tónleikur hevur sjálvsagt eisini føroyskar sangtekstir, og tí vilja Føroyar lesa eggja føroyskum skúlanæmingum til at lesa føroyskar yrkingar.

Á hesi síðuni finnur tú undirvísingartilfar, ið kann nýtast til Spæl føroysktvikuna. Tilfarið er lagað til ymisk floksstig og leggur upp til, at lærarar kunnu sameina tónleik, lesing og málmenning í undirvísingini.

Spæl føroysktvikan

Gevur lærarum eitt gott høvi at menna føroyskt mál í undirvísingini við fjølbroyttum og mennandi uppgávum. Tónleikur, tekstir og virknar lærugongdir gera tað lætt at seta føroyskt í brennidepilin.

Henda síðan savnar alt tilfar, ið kann brúkast í sambandi við Spæl føroysktvikuna, so lærarar hava lætta atgongd til uppgávur, lesitilfar og hugskot til undirvísingina.

Parallax Section

Undirvísingartilfar

Til lærarar, sum vilja luttaka í Spæl føroyskt vikuni, bjóðar hendan síðan eitt úrval av tilfari:

Lesitilfar og uppgávur – yrkingar við uppgávum til næmingar
Tónleikur og sangir – nýggj og gomul løg, sum kunnu verða partur av undirvísingini
Virknar lærugongdir – hugskot til, hvussu lærarar kunnu seta føroyskt mál og mentan í fokus
Tilfar fyri øll floksstig – frá barnagarði til miðnámsskúla.

Við hesum tilfari fáa næmingarnir høvi at arbeiða við føroyskum máli og mentan á ein skapandi hátt. Ljóð, skrift og munnligt samskifti verða sett í ein spælandi samanhang, har læring verður ein natúrligur partur av undirvísingini.

Hvussu kann tilfarið nýtast?

Undirvísingartilfarið kann brúkast á ymiskan hátt alt eftir floksstigi og áhuga hjá næmingunum. Møguleikarnir fevna um:

Lesing og frásøgur – les søgur og yrkingar og arbeið við orða- og frásøguførleikum.
Tónleik og rørsla – nýtið føroyskar sangir til at samantvinna mál, rørslu og tónleik.
Munnlig framløgur og orðaspøl – eggja næmingum at brúka føroyskt á ein spælandi hátt.

4-Column Tiles - Beige Transparent

Innskúling og dagstovnar

Fult savn av barnayrkingum, sangum o.s.fr.

Miðdeild

Yrkingar í Nem-røðini (3.-6. flokk)

Hádeild

Dropar 7 og 8 - episkar og lýriskar yrkingar

Miðnám

Kim Simonsen, Guðrið Poulsen o.o.

Barnasangbók Føroya:
Barnasangbók Føroya er ætlað børnum 0-7 ár. Hon hevur 114 sangir á ymsum torleikastigum, og sangirnir eru bæði gamlir og nýggir. 11 føroysk myndlistafólk hava myndprýtt bókina, og nótar eru til allar sangirnar. Sangirnir eru eisini at finna á YouTube , har sangarar syngja sangirnar.
Les meira
Sissal Rasmussen: Omma blomma Abbi krabbi
Bókin er eitt savn av rímum og ramsum, skjaldrum og sangum, og tilfarið er lagt til rættis serliga við máli og málmenning í huga. Ætlanin við bókini er, at øll, sum eru um børnini, brúka hana og á henda hátt stimbra málmenningina hjá børnunum.
Les meira
Alexandur Kristiansen: Kokkulárapi
Eitt yrkingasavn eftir Alexandur Kristiansen. Innihaldið er fjølbroytt og vendir sær bæði til børn og vaksin. Hann hugleiðir millum annað um, hvør Gud man vera og sítt gamla ABC. Vit lesa um Kúnna Vanessu og Hálvdan, eitt ævintýr í gummiskóm og morgunfrúufrúur. Edward Fuglø hevur teknað.
Les meira
Ein halastjørna er komin
Yrkingar til børn. Yrkjarar úr Danmark, Finnlandi, Føroyum, Íslandi, Noregi og Svøríki hava skrivað yrkingarnar. Aftast í bókini er ein fløga, har tú kanst hoyra yrkjararnar lesa nakrar yrkingar á sínum egna máli.
Les meira
Sólrún Michelsen: Loppugras
Savn við tólv yrkingum. Heimligar, skemtiligar og samstundis sniðfundigar yrkingar, ið hóska væl saman við tekningunum. Við bókini fylgir fløga við løgum til átta yrkingar.
Les meira
A. Kristiansen, K. Olsen, B. Jákupsson: Og várið kom
Tríggir teirra, ið hava lagt fagrar og sjónskar slóðir eftir seg seinastu hálvu øldina, savnast sum fullbúnir og vísir listamenn í hesum verki. Allir tríggir eru teir lærarar. Hvør á sín hátt tala teir til barnið við orðum, myndum og tónum. Ikki minst til barnið, tey vaksnu hava við sær sum førning í hjartakistlinum alt lívið.
Les meira

Spæl føroyskt og Føroyar lesa

Føroyar lesa er eitt átak, sum varpar ljós á lesigleði og týdningin av at lesa, serliga á móðurmálinum. Átakið fevnir um alt samfelagið og allar aldursbólkar. Skipað verður fyri tiltøkum, har fólk savnast um tað at lesa. Heimasíðan er ætlað sum miðdepil fyri íblástur, upplýsing og kunning um lesing, soleiðis at børn og vaksin, privatpersónar og starvsfólk á ymiskum økjum kunnu finna viðkomandi tilfar.