Fólkatalsfrøði á Wikipedia
Wikpedia er heimsins størsta alfrøði. Hon byrjaði á enskum í 2001 og er bara á netinum. Flestu greinar eru á enskum. Hin føroyska Wikipedia byrjaði í 2004. Í februar í 2017 eru 12.440 greinar í føroysku útgávuni.
Undir leitorðinum fólkatalsfrøði kunnu vit lesa, at hetta eru vísindini um gongdina í fólkatalinum, um fólkasamanseting við atliti at kyni, aldri og borgarastøðu, um landafrøðiliga býtið í íbúgvatali og samanseting, og um tær broytingar í íbúgvatali og samanseting, sum koma av gongdini í føðitíttleika, deyðstíttleika, tilflyting og fráflyting.
At enda í greinini á Wikpedia verður víst til Hagstovuna sum keldu og ensku orðabókina Merriam Webster at lýsa týdningin í orðinum fólkatalsfrøði.
Uppgávur:
Er Wikipedia ein brúkilig kelda? Grundgev fyri svarinum.
Hví verður víst til Hagstovuna? Hvørjar upplýsingar kunnu vit finna har?
Hví skulu vit hava dagførdar upplýsingar um fólkatalsfrøði?