Pyeongchang er fjallabýur, har nógv gomul tempul eru. Kendasta er Woljeongsa-templið. Tað er eitt buddistiskt tempul, sum er bygt í árinum 643. 

Flestu suðurkoreanarar (57%) hava ongan formellan átrúnað, tí tey eru ikki limir í ávísari kirkju ella samkomu. 

Tey, sum eru limir í kirkjum ella samkomum, eru protestantar (20%), koreanskir buddistar (16%) og rómversk katólsk (8%).

Fyrr hoyrdist um Moon-rørsluna, sum bygdi á læruna hjá Moon Sun-myung, sum doyði 92 ára gamal í 2012. Tá flutti læran til USA. Moon-rørslan gjørdist kend, tá túsundir gingu í hjúnarlag og vórðu signað av Moon. Í 1997 vórðu minst 30.000 nýgift hjún signað í Washington D.C. í USA.

Uppgávur:

Hví munnu tempul verða bygd í fjøllunum og ikki mitt í býunum í Suðurkorea?

Hvussu gomul er elsta kirkja í Føroyum?