Skip to main content

El Salvador


Lyklatøl

Høvuðsstaður
San Salvador

Vídd: 21.040 km2

Fólkatal: 6.071.774

Alment mál:
spanskt

Átrúnaður:
kristindómur 100%

Stýrsilag:
Fólkaræði, fleirflokkastýri

Gjaldoyra: amerikanskur dollari (USD)

El Salvador

Í minsta landinum í Miðamerika, El Salvador, hevur verið bæði borgarakríggj og kollvelting. Í øldir áttu nakrar fáar ríkar ættir alla jørðina í landinum, og mesta fólkið leið hungur og hall. Ein fjallaryggur við nógvum gosfjøllum eyðkennir landslagið. Skógirnir, har nógvur setrisviður, mahogni og eik vuksu, eru ruddaðir til landbúnaðarjørð.

Spaniamenn bygdu San Salvador í 1515. Síðan tá er býurin fleiri ferðir oyðilagur í jarðskjálvta. Meginparturin av gamla spanska byggistílinum er nú burtur og nýmótans hús bygd ístaðin. Ovfólkaðir fátækrabýlingar eru komir upp uttan um býin, tí at túsundtals flóttafólk eru komin hagar at leita eftir arbeiði.

Frá 1979 til 1991 var blóðugt borgarakríggj ímillum stjórnarherin, sum USA stuðlaði, og vinstrasinnaðar uppreistrardeildir. Eini 75.000 fólk doyðu. 16. januar í 1992 kom friðaravtala í gildi, sum  uppreistraroddamaðurin, Chano Guevara, skrivaði undir.

Marknaósemja endaði við kríggið, tá ið El Salvador spældi HM-undandyst ímóti Honduras í 1969. Dysturin elvdi til, at herurin í El Salvador tók seg inn í Honduras. Fleiri enn 3.000 fólk fullu í fótbóltskrígnum.