Lítlakrutt (ulkuættin)
Micrenophrys lilljeborgi que significa do my homework alabama homeworkhelp synopsis of thesis in phd(Collett, 1875)

Stødd: Lítlakrutt verður í mesta lagi 7,4 cm langt mátað í klingruna.

Dýpi: Undir Føroyum er lítlakrutt fingið úr taranum og út á umleið 200 metra dýpi. Vanliga er lítlakrutt úr fjøruni út á 100 metra dýpi.

Litur: 4-5 óreglulig, morgrá bond eru av høvdinum aftur ímóti stertinum. Millum bondini er liturin gulligur ella reydligurgrønligur.

Teinar: R1 VI; R2 11-12; B I + 2; G 8-9; U 15-16; Ry 32.

Lýsing: Lítlakrutt er lítil fiskur. Tað hevur stórt høvd, tjúkkast er tað fremst um bulin, mjækkar javnt aftur móti klingruni. Tað hevur stór eygu, ið standa upp fyri ennið. Tvær beinknútur eru á gronini, og tveir kjalir eru eftir kjálkunum, ið ovast enda í einum píki. Kápan er píkaklødd. Ovasti píkur hvørjumegin røkkur ikki aftur um kápuna. Tað hevur tvær ryggfjaðrar, væl leysar hvør av aðrari. Stórar uggafjaðrar. Smáar búkfjaðrar og stóran stert. Strikan hevur 30-31 píkaroðslur ella beinroðslur, og oman fyri strikuna er enn eitt minni, men týðiligt og óregluligt rað av píkum.

Eyðkenni: Lítli fiskurin. Líkist nakað grønakrutti, men ovasti píkur hvørjumegin á kápuni røkkur ikki til rondina á kápuni. Búkfjaðrarnar hava bert tveir bleytar teinar. Krutt og grønakrutt hava tríggjar. Glopp er millum báðar ryggfjaðrarnar. Á krutti og grønakrutti nerta tær hvør aðra. Píkaraðið oman fyri beinutu strikuna skilur eisini lítlakrutt frá grønakrutti.

Týdningur: Tað hevur ikki vinnuligan týdning.

da; Dværgulk, en: Norway bullhead, ís: Litli marhnútur, no: Piggulke, tý: Zwergseeskorpion