Bygdir og býir 

95 gamlar bygdir

Landnámsbygdirnar eru teir elstu búsetingarnir í Føroyum. Tær vóru bygdar av norðmonnum, sum í 800- og 900-árinum leitaðu eftir nýggjum landi og frælsi í Føroyum.

Landnámsbygdirnar eru bygdir, nevndar í Føroyingasøga, umframt bygdir, har fornleivdir eru funnar frá áðrenn ár 1200

Í miðøld fram til umleið ár 1450 búsettust fólk í 17 av 18 oyggjum, og frá gamlari tíð hava Føroyar verið skiftar sundur í 95 bygdir, nevndar markatalsbygdir. Í fleiri øldir var fólkatalið og bygdamynstrið í Føroyum rættiliga støðugt.

Stórar fiskivinnubygdir

Miðskeiðis í 1800-talinum vaks fólkatalið í bygdunum við góðum umstøðum til fiskivinnu. Hesar bygdirnar eru framvegis tær stóru bygdirnar í Føroyum.

Fólk settu eisini búgv í niðursetubygdunum, ið vóru partar av gomlum bygdum, sum lótu haga til fólk at gera nýggja bygdir.

Landið bundið saman

Seinastu árini eru Føroyar í størri mun vorðið eitt tænastusamfelag, og fólkið er flutt inn móti miðstaðarøkinum rundan um høvuðsstaðin Tórshavn.

Tunlar, undirsjóvartunlar og brýr hava bundið landið saman. Tey flestu hava í dag styttri enn 45 minuttir til Havnar.

Nakrar bygdir eru brádliga liggja heilt nær við Havnini, og harvið fáa sera stóran fólkavøkstur. Serliga eru stórur fólkavøkstur í bygdunum kring Skálafjørðin, síðan Eysturoyartunnilin kom.