Basket

Sabbat - Hetta er hvílidagurin, leygardagur, sum verður væl fyrireikaður dagin fyri. Keypt verður inn til eina serstaka máltíð, og húsið verður reingjørt, áðrenn familjan fer í synagoguna fríggjakvøld um sólsetur. 

Shavout, hvítusunna - til minnis um at Gud gav Mósesi tey 10 boðini og Toraina á Sinai fjalli.

Sukkot, leyvsmáttuhátíð - til minnis um tá ísraelsfólk bygdu leyvsmáttur á 40 ára longu oyðimarkarferðini.

Purim - til minnis um fyrstu ferðina Gud bjargaði ísraelsfólki undan týning.

Hugskot:

Bólkaarbeiði, 3 næmingar í hvørjum bólki. Næmingarnir skulu velja eina jødiska høgtíð og svara spurningunum á hesum skjalinum.

Slóðir:

Norskur lærufilmur eftir Elisabet Svenning og Nina Karoline Fraasum. Filmurin er um jødiskar høgtíðir og er til 5. - 9. flokk 

Søgan, sum stendur í 2. Mósebók, sigur, at Móses fekk boð frá Gudi um at leiða ísraelsfólk út úr trældóminum og inn í teirra egna land. Men hetta var trupult, tí Farao, ið stýrdi landinum, ikki vildi lata fólkið sleppa avstað. 

Tí var Gud noyddur at senda plágur yvir Egyptaland. Plágurnar vóru tíggju í tali:

1. Vatnið í Egyptalandi verður til blóð
2. Plága av froskum úr Nilánni
3. Mýggjabitar
4. Bitflugur
5. Ross, asnar, kamelar, neyt og seyður doyr
6. Fólk og dýr fáa svullir á holdið
7. Heglingur, ið drepur alt livandi, sum er úti
8. Ongsprettur
9. Myrkur í tríggjar dagar
10. Tann frumborni í hvørjum húsi verður dripin

Hugskot:

Být flokkin í trælir og harrar. Trælirnir skulu akta harra sín í 5 minuttir, og so býta tey um leiklut. Tosið um, hvussu tað kendist at vera trælur, og um, hvussu tað kendist at vera harri.

Bið helmingin av næmingunum tekna eina ella tvær av plágunum. Ansa eftir, at allar tíggju plágurnar eru við. Bið hin helmingin finna myndir í vikubløðum av nútímans vanlukkum/plágum. At enda skulu báðir bólkar gera plakatir, eina við tekningum og eina við myndum. Tosið um plakatirnar og samanberið.

Hyggið at filminum "The Ten Plagues of Egypt" um tær tíggju plágurnar og tosið um spurningarnar í hesum skjalinum.