Páskavikan

Pálmasunnudag reið Jesus á einum asna inn í Jerúsalem. Fólk veitraðu við pálmagreinum og heiðraðu hann sum kong.

Hugskot:

Fólk høvdu virðing fyri Jesusi. Tey heiðraðu hann sum kong. Tosið um, hvussu vit vísa øðrum viðring og heiður.

Leitið á Youtube eftir sangum um pálmasunnudag.

Slóðir: 

Pálmasunnudagur ymsastaðni í heiminum í myndum

Skírhósdagur ella skírisdagur er bara heiligdagur í nøkrum heilt fáum londum í heiminum. Hendan dag át Jesus seinastu máltíðina saman við lærusveinum sínum. 

Í Lutersku kirkjuni eru tvey sakramenti: kvøldmáltíðin og dópurin. Til altargongdina í kirkjuni verður lisið upp úr 1. Kor 11,23-25: "
...Harrin Jesus, ta náttina sum hann varð svikin, tók breyð, og takkaði og breyt tað og segði: - Hetta er likam mítt, sum er fyri tykkum; gerið hetta til mínar áminningar! Somuleiðis tók hann eisini kalikin aftan á kvøldmáltíðina og segði: - Hesin kalikur er hin nýggi sáttmálin í blóði mínum; gerið hetta, so ofta sum tit tað drekka, til mínar áminningar!"

Hugskot:

Lesið tekstir til dagin: Matt 26,17-30 ella Jóhs 13,1-15

Tosið um, hvussu tað kennist at vita frammanundan, at nakað keðiligt fer at henda. Hevði tað verið gott at vitað, hvussu framtíðin fer at verða?

Slóðir:

Lærufilmur frá Khan Acadamy um málningin hjá Leonardo da Vinci: Seinasta kvøldmáltíðin.

Filmsbrot um seinastu kvøldmáltíðina, sum kann nýtast sum upplegg til undirvísing um altarsins sakramenti. Filmurin er á hebraiskum við enskum teksti.

Hetta er dagurin, tá Jesus varð krossfestur. Hann varð krossfestur um 9 tíðina um morgunin og doyði um 3 tíðina seinnapartin.

Hugskot:

Lesið tekstir til dagin: Matt 27,27-56, Mark 15,21-37, Luk 23,26-49 ella Jóhs 19,17-37.

Slóðir:

"Kingdom og Heaven" (Ridley Scott, 2005). Saladin kemur inn í falnu kirkjuna og sær altarkrossin, sum í stríðnum er dottin á gólvið. Hann tekur krossin upp og setur hann aftur á altarið. Tosið um týdningin í at sýna virðing fyri teimum, ein ikki er samdur við. 

Eftir pálmasunnudag, skírhósdag og langafríggjadag kunnu vit halda páskir. Hesin dagurin er mettur at verða tann mest heilagi dagurin í kirkjuárinum, tí  tá hátíðarhalda vit, at Jesus reis upp frá deyðum og soleiðis vann á deyðanum og á tí ónda. Hetta verður nevnt gleðiboðskapurin.

Hugskot:

Lesið frásøgnina, um tá ið kvinnurnar komu til tómu grøvina, Jóhs 20,1-18.

Tosið um, hvat tað merkir at vinna á deyðanum, og um hvønn týdning uppreisnin hevur í kristnari trúgv.