Áðrenn farið verður í holt við tey einstøku heimsmálini, er tað ein fyrimunur at hava verið í gjøgnum hetta:

00 Undirvísingargongd: Um tey 17 heimsmálini - Inngangur

Við tað, at tey 17 heimsmálini hvørt mál sær er sera umfatandi, ber sjálvsagt ikki til at fara í djúpdina í øllum í einum skúlaári. Undirvísingongdirnar eru tí bygdar upp við einari INNFØRSLU og einum FRAMHALDI. Um ætlanin er at næmingarnir bara skulu fáa eitt hampiligt innlit í eitt mál er nógmikið við INNFØRSLUNI, sum er sett til at taka 2x45 min. So kann verða farið víðari til næsta mál. Um valt verður at fara meira í dýpdina, kann verða farið til FRAMHALD, sum er eitt savn við nøkrum uppskotum.

INNFØRSLA (1-4):  2 UNDIRVÍSINGARTÍMAR Á 45 MIN

1. Vís stuttan film um evnið Mål 6: Rent vand og sanitet (5 min)
   
   
2. Næmingarnir lesa: Heimsmál 6: Reint vatn og reinføri. (10 min)
   
   
3. Uppskot: nýta Cooperative Learning háttin “leiklutalesing” ella “duettlesing”.

Spurningarnir niðanfyri 1-10 eru gjørdir soleiðis, at svarið finst í tekstinum omanfyr í somu røð sum spurningarnir. Næmingarnir svara spurningunum skrivliga. Royndin er at um spurningarnar verða skrivaðir niður við hond er størri møguleiki fyri, at teir verða skiltir.

1. Hvat er sætta heimsmálið?
   
   
2. Hvussu nógvir av heimsins íbúgvum hava atgongd til eina betri vatnkeldu í 2000?
   
   
3. Hvussu nógv hava atgongd til eina betri vatnkeldu nú?
   
   
4. Hvat merkir, at vatnkeldan er betri?
   
   
5. Hvat kann sigast um vatnið í teimum størru vøtnunum og áunum?
   
   
6. Hvat eru góð tíðindi?
   
   
7. Hvussu nógv fólk hava ikki atgongd til ves?
   
   
8. Í 2000 høvdu 59% av heimsins íbúgvum atgongd til ves. Hvussu nógv hava atgongd nú?
   
   
9. Hvat skulu vit umsita á ein burðardyggan hátt?
   
   
10. Hvussu nógv % av vatninum, sum býir, ídnaður og landbúnaður nýta, stavar frá skógum og vátlendi?

Royn kanska Kahoot: Heimsmál 6: Reint vatn og reinføri (15 min)

Tá ið næmingarnir hava verið í gjøgnum 1 og 2 og hava fingið eina hóming um, hvat heimsmálið snýr seg um, ber til at fara fara eitt sindur longur inn í evnið, sí niðanfyri. Enda til dømis við Kahootspurningum.

Byrja við hugaroki (10 min)

1. Felags hugarok upp á talvuna ella Flip-over Stafett (CL)

Orðaskifti í bólkum (ymiskir CL strukturar) (20 min)
Uppskot um spurningar at viðgera í bólkunum at velja burtur úr soleiðis, sum tað passar í mun til tíðina, ið er sett av. Spurningarnir eru settir út frá ymiskum sjónarhornum sum “persónliga støðið”, “lokalt” osfr.

1. Persónliga støðið: týdningurin fyri teg og tíni nærmastu

- Til hvat og nær brúkar tú vatn í gerandisdegnum?

2. Lokalt: grannalagið, vinnulív arbeiðspláss, skúli, kommuna

- Hvussu og hvør tryggjar reint vatn og reinføri?

- Hvussu týdningarmikið er reint vatn og reinføri í gerandisdegnum?

- Hvussu var við reinum vatni og reinføri fyrr í tíðini?

3. Landið: Lógir, landsstýri, Løgting

- Hvat hevur reint vatn og reinføri at týða fyri Føroyar?

- Hvønn leiklut hevur landið í hesum?

4. Norðurlond: grannar okkara

- Hvussu er við reinum vatni og reinføri hjá grannum okkara?

5. Evropa: heimspartur okkara

- Hvussu er við reinum vatni og reinføri í Evropa?

6. Heimurin: Hvussu er við reinum vatni og reinføri úti í heimi?

- Kanna eitt land, har vatntrot er

7. Samfelagið

- Hvat hevur atgongd til reint vatn  og reinføri at siga fyri samfelagið?

8. Umhvørvið

- Hvat hevur reint vatn og reinføri at siga fyri umhvørnvið?

9. Búskapur

- Hvat hevur reint vatn og reinføri at siga fyri búskap?

10. Undirmálini

- Tosa um undirmálini, sí niðast í: Heimsmál 6: Reint vatn og reinføri.

Royn kanska Kahoot: Heimsmál 6: Reint vatn og reinføri (15 min)

(INNFØRSLA ENDAÐ)

Heimsins bestu tíðindi   

1. Les greinar niðast her: Heimsmál 6: Reint vatn og reinføri. (Ger t.d. spurningar, sí 2 omanfyri)
   
   
2. Hvørji onnur heimsmál verða ávirkað av Heimsmáli 11 - sí uppskot í “Heimsins bestu tíðindum”.
   
   
3. Les meira, t.d. : Hele verden i skole, Verdens bedste nyheder, Verdenstimen

Orðaskifti 

1. Tosa um undirmálini
   
   
2. Tak aftur í evnini og tilgongdirnar í 3 í INNFØRSLUNI og far í dýpdina.

Ítøkilig átøk 

1. Vitja stovnar
   
   

Undirvísingarmiðlar og amboð 

1. plakatir, blaðframleiðsla, faldari, uppslag, framløga, filmur, útvarpssending, sjónvarpssending, skriva stíl

Arbeiðshættir  

1. Bólkaarbeiði t.d. Cooperative Learning strukturar. Pultsundirvísing.

Endurtøka: Far gjøgnum øll heimsmálini (20 min) 

1. Les yvirlitið um tey 17 heimsmálini
   
   
2. Kanna vitanina við Kahootspurningum um tey 17 heimsmálini