12
HEIMSINS ÍBÚGVAR
nøgdir av ráevnum og orku. Tá ið ídnaðurin vaks fram í 18. og 19. øld,
ráddi mest um at vera í nánd av koli. Har, sum nógv kol var í undir
grundini, gjørdu tey kolanám og verksmiðjur. Hagar fluttu fólk at
arbeiða, og so við og við vuksu ídnaðarplássini til stórbýir. Hetta hendi
til dømis í Ruhr-økinum í Týsklandi og í Slask í Póllandi.
Har, sum veðurlagið er ógvuliga kalt ella turt, býr so at siga eingin.
Heilt fá fólk búgva til dømis í póløkjunum, í stórum pørtum av Sibiria
og í víðlendum oyðimørkum. Har er torført at liva av tí, sum kann fáast
úr náttúruni.
Undantikin eru búplássini, sum eru vorðin til í sambandi við náms
vinnu ella oljuvinnu. Fleiri stórir býir eru til dømis í kalda og karga
Norðursibiria. Teir eru eins og oyggjar í einum annars fólkatómum
landi. Í Norðursvøríki er Kiruna eitt dømi um eina lítla bygd, sum
vaks til ein stóran bý, tá ið tey fóru at bróta jarnmálm í teimum stóru
námunum.
Um heimurin var ein býur við 100 íbúgvum
•
61 av íbúgvunum høvdu verið asiatar (20 teirra úr Kina og 17 úr India),
14 høvdu verið afrikanarar, 11 úr Evropa (eingin úr Norðurlondum),
9 suðuramerikanarar, 5 norðuramerikanarar og eingin úr Osiania.
•
18 høvdu tosað mandarin-kinesiskt, 8 høvdu tosað enskt, og eingin hevði
tosað norðurlendskt.
•
27 av íbúgvunum í býnum høvdu verið undir 15 ár, og bara 7 høvdu verið
yvir 64 ár.
•
33 høvdu verið kristin, 20 muslimar, 13 hinduar og 6 buddistar. 14 høvdu
ikki hoyrt til nakran trúarbólk.
•
Minst 15 vaksin høvdu ikki dugað at lisið, og bara 1 hevði havt útbúgving
frá hægri lærustovni.
•
20 høvdu ikki havt reint vatn, 20 høvdu svøltað og 1 var deyður í hungri.
15 høvdu vigað ov nógv. 1 hevði verið sjúkur av AIDS.
•
Um leið 10 fólk høvdu átt bil, summi teirra meira enn ein.
•
6 fólk høvdu havt ræði á helvtini av búskapinum í býnum, øll 6 høvdu
verið úr USA. 20 fólk í býnum høvdu fingið 75% av øllum inntøkunum í
býnum. 20 onnur høvdu bara fingið 2%.
•
Av tí tøku orkuni í býnum høvdu 20 fólk brúkt 80%.
•
Um tú átti pengar í bankanum ella í pengapunginum, so hoyrdi tú til tey
ríkastu 8 fólkini í býnum.
•
Á hvørjum ári doyr 1 fólk í býnum, og 2 verða fødd. Tá ið árið er at enda,
er fólkatalið so statt vaksið til 101.
