120
Kristin myndlist
Áðrenn kristindómur varð góðkendur sum átrúnaður í Rómverjaríkinum,
varð kristin myndlist goymd á loyniligum støðum, har tey komu saman til
gudstænastur. Flestu listafólk vórðu ávirkað av rómverskari list.
Bíblian hevur givið størstan íblástur til kristna myndlist. Flestu verk vísa á
Jesus. Og týdningarmesta ímynd er krossurin. Krossfesting var ein av mest
eyðmýkjandi háttunum at verða avrættaður. Krossurin vísir á Jesu líðing. Men
undir Konstantini keisara, ið livdi frá 272-337, gjørdist krossurin ein ímynd
av sigri og frælsi. Frá árinum 312 gjørdist hetta almenna ímynd keisarans.
Føroysk kirkjulist
Í fleiri føroyskum kirkjum eru sonn listaverk at finna. Talan er um altartalvur,
prædikustólar, knæfall, altarbúnað eitt nú kalik, disk, vínkannu, oblateskju
ella breyðdós, ljósastakar og altardúkar.
Í doypifuntinum er ofta vakurt dópsfat. Annars kann nevnast nummartalva,
peningakistil, ljósakrúnur, kristusmynd, bátur, stólavangar, útskorin kórs
veggur, lesipultur til deknagudstænastur, kirkjuklokka og urga.
Fleiri av hesum lutum eru søguligir og latnir kirkjunum sum gáva.
Úthurðin í Hovs kirkju
Altartalvan í Gøtu kirkju
Útskorin kórsveggur í Oyndarfjarðar
kirkju
Altartalvan í Vesturkirkjuni í Havn
Altartalvan í Vestmanna kirkju
Altartalvan í kirkjuni á Kirkju
