10
JØRÐIN OG KORTINI
Sólskipan okkara
Jørðin er ein
gongustjørna
, sum melur um sólina í eini ávísari ringrás.
Sjey gongustjørnur afturat mala um sólina. Til samans eru sólin, jørðin
og hinar gongustjørnurnar ein
sólskipan
. Rúmdin fevnir um óendaliga
nógvar sólskipanir.
Sólskipan okkara er stór. Frá jørðini til sólina eru um leið 150 millión
ir kilometrar. Næst sólini er gongustjørnan Merkur, sum er tann
minsta gongustjørnan. Síðan koma Venus, jørðin og Mars. Hesar fýra
gongustjørnurnar nevna vit vanliga tær
innaru gongustjørnurnar
.
Millum Mars og Jupiter er smástjørnubeltið. Tað hevur í sær alt frá
eyri og steinum til kilometur stórar klettar, sum eru leivdir frá tíðini, tá
sólskipanin varð til.
Uttan fyri smástjørnubeltið eru hinar fýra gongustjørnurnar, tær
ytru gongustjørnurnar
. Fyrst kemur Jupiter, sum er tann størsta gongu
stjørnan í sólskipanini. Jupiter er tríhundrað ferðir størri enn jørðin.
Merkur
Venus
Mánin
Jørðin
Mars
Smástjørnubeltið
Jupiter
