NORÐURAMERIKA
89
fluttu um leið 1.000 fólk til býin um dagin. Og hvønn dag vórðu 1.000
børn fødd.
Meksikobýur er 2.240 metrar yvir sjónum, 2½ ferðir so høgt sum
Slættaratindur. Um leið 5 milliónir bilar, bussar og lastbilar og um leið
40.000 fabrikkir elva til luftdálking, sum er 100 ferðir verri enn tað,
sum hildið verður kann góðtakast.
Nógv tilflyting
Framvegis flyta fólk í hópatali til USA og Kanada. Menniskju úr øllum
heimi vilja sleppa at flyta hagar. Í kanadiska býnum Toronto er helvtin
av fólkinum tilflytarar, og í Vancouver búgva nógv fólk, sum eru ættað
úr Eysturasia.
Av tí at so nógv fólk flyta hagar, veksur fólkatalið í Kanada og USA
í stórum. Tann natúrligi fólkavøksturin, sum er munurin millum talið
á føddum og talið á deyðum, er hinvegin lágur.
Aðrastaðni í Norðuramerika veksur fólkatalið skjótari. Størsti
fólkavøksturin er í teimum fátækastu londunum: Guatemala, Belis,
Honduras og Haiti. Har veksur fólkatalið við meiri enn tveimum pro
sentum um árið, hóast barnadeyðin er stórur.
Stór tilflyting er til USA og Kanada, og
nógvir tilflytarar eru úr Asia. Myndin er
úr Chinatown í New York.
