Virkisrakstur
244
Marknaðarlæra • Søla og tænasta
Verður nógv keypt í senn, kann loysa seg at biðja um skrivligt til-
boð frá fleiri útvegarum og kanna eftir, hvør teirra hevur frægastu
sømdirnar. Tílíkur fyrispurningur er ofta javngjørdur og eigur greitt at
tilskila tað, ið spurt verður um.
Verða meginreglurnar fylgdar viðvíkjandi skrivligum tilboðum,
verður forðað heilt nógv fyri misskiljingum eftir handilin. Samstun-
dis er hetta trygd og váttan fyri báðar partar. Av og á avtala virki og
útvegari eina samstarvsavtalu og sáttmálabinda seg í styttri ella longri
tíð. Tílík avtala verður nevnd rammuavtala.
Bókasøla í serstøðu
Summi marknaðarhugtøk ganga aftur í heilum. Prísur, dygd og
kapping eru javnan á lofti, men vøruflokkar eru, har eingin prís-
kapping er. Bókasøla í Føroyum er í hesari serstøðu, tí at bókaforløgini
áseta søluprísin á bókum. Skipanin er gomul siðvenja á okkara leiðum.
Mest sum í øllum øðrum handilsskapi er prísur týðandi kappingarráð.
Sum bókasøla er eyðkend og skipað á sín serstaka hátt, so hava ein-
støku handlarnir og handilsgreinirnar sína serligu siðvenju og nógvar
fastar mannagongdir. Fyribrigdið handilsgrein og serhandil er tó ikki
so eintýtt nú sum fyrr og tykist at vikna líðandi.
Goymsla og tænastustig
Røkiskapur er týðandi táttur í øllum virksemi. Á goymsluni eru nógvar
praktiskar og dagligar uppgávur at røkja. Vøran kemur á goymsluna,
verður latin haðani og verður sostatt pakkað út har og pakkað inn har,
skal hon verða send øðrum. Ruddilig og væl skipað goymsla gevur álit
og lættir um arbeiðsgongdina.
Vørurnar, ið virkið hevur standandi á goymsluni, eru eftir tí tænastu-
stigi, ið virkið ætlar sær at hava. Tað verður sett eftir evni virkisins at
lata tær vørur alt fyri eitt, sum viðskiftafólk vilja hava. Tænastustigið
í virkinum er tó skiftandi og verður skipað eftir væntandi eftirspur-
ningi og tørvi á einstøku vørunum og vøruflokkunum.
Tænastustig =
Vørunøgd, ið virkið kann lata x 100
Bíløgd vørunøgd
Fert tú til dømis undan høgtíð til handils at keypa gerandisvøru
niðurfyri, og fært tú allar umbidnar vørur í sama handli, tá er tænastu-
stigið í tínum føri 100%. Men fært tú bara níggju tíggjundapartar av tí,
ið tú ætlaði, tá er tænastustigið 90%. Hetta er sum vera man tænastu-
stigið ógvuliga einfalt lýst.
