76
VINNULÍVIÐ Í HEIMINUM
Arbeiðsmegi
Tað er ikki bara náttúrutilfeingið, sum avger, hvar ídnaður er at finna.
Fólk, sum kann arbeiða í ídnaðinum, er framvegis ein tann týdningar
mesta treytin fyri, hvar í heiminum ídnaðarfyritøkur verða bygdar.
Hóast allar maskinurnar, so skulu menniskju arbeiða í øllum liðum í
framleiðsluni. Eitt gott dømi um hetta er Japan. Har er lítið og einki
náttúrutilfeingi, men har er ivaleyst av arbeiðsmegi. Eftir seinna heims
bardaga fór prísurin á olju niður, og tað bar í sær, at flutningur sum
heild varð bíligari. Tá fóru tey í Japan undir at flyta inn ymiskar týðandi
rávørur, og nógvar nýggjar fyritøkur vórðu bygdar. Nú á døgum er
Japan millum fremstu ídnaðarlond í heiminum, har tey framleiða ein
hóp av vørum, so sum bilar og elektronikk.
Í ríka partinum av heiminum arbeiða tey flestu við onkrum øðrum
enn at framleiða vørur. Sagt verður, at vit liva í einum
vitanarsamfelag
ella
kunningarsamfelag
heldur enn ídnaðarsamfelag. Tað merkir, at vit
liva í einum samfelag, har kunnleiki, vitan og menning av kunnleika
hava minst líka stóran týdning sum skógarbrúk, landbúnaður, fiski
vinna og aðrar siðbundnar vinnur.
Tólmenni gera ein stóran part av
arbeiðinum, sum her á Volvo-
fabrikkini í Torslunda í Svøríki.