6.11 Hvat sigi eg?
Børnini sita í ringi saman við námslærda.
Námslærdi leggur fimm myndakort á gólvið. Tosað verður um, hvat
er á hvørjum myndakorti, og tey endurtaka heitini í felag.
Námslærdi ljóðstavar eitt orð, men gevur ikki ljóð frá sær. Børnini
hyggja at munninum og royna at gita, hvat námslærdi sigur.
At enda ljóðstava øll børnini og leggja kubbar fyri hvørt nýtt ljóð.
Børnini hyggja í spegl og síggja, hvussu muðurin broytir skap.
Lutir
Kubbar í ymsum litum, myndakort við 2 og 3 ljóðum og eitt
spegl til hvørt barnið. Somu myndir sum til 6.10
Dømi
Námslærdi
sigur: – Roynið og hyggið at munninum
á mær og giti so, hvat eg sigi
Ljóðstavar ljóðleyst sera týðiliga eitt av
myndakortunum t.d. mmm … ááá … lll
– Duga tit at gita, hvat eg segði?
– Hyggið nú væl, mmm … ááá … lll
Børnini
gita orðið: – mmm … ááá … lll
Námslærdi
hjálpir, er tað neyðugt
Børnini
ljóðstava í felag og leggja kubbar fyri
hvørt nýtt ljóð:
– mmm
(kubbi)
… ááá
(kubbi)
… lll
(kubbi)
Hyggja í speglið, hvussu muðurin sær út,
tá ið tey ljóðstava:
– mmm … ááá …lll
Námslærdi
ljóðstavar eitt nýtt myndakort o.s.fr
Spælið eina til tvær ferðir
138
6 Ljóðeindir
6.11
Hvat sigi eg?
