170
Vinningur og tap fevna t.d. ikki bara um hækkingar og lækkingar í børskurs
inum av broyttum rentuviðurskiftum, men eisini um virðisbroytingar av
øðrum viðurskiftum, eitt nú indeksreguleringum og valutakursbroytingum.
Undir hesi punkt koma eisini tap av mishaldi hjá skuldara og av, at veð ella
ábyrgd/borgan ikki hevur verið nøktandi. Tryggingargjøld og onnur endur-
gjøld fyri miss av peningakrøvum koma eisini undir hesi punkt. Tap av
skuldarum í sambandi við vinnuligt virksemi, kemur tó ikki undir hesi
punkt, men verður viðgjørt eftir skattalógini, sí frammanfyri.
Premiulánsbrøv koma eisini undir hesi punkt, tó ikki premian, sum í staðin
er undir løgtingslógini um gjøld av vinningi við burturluting o.tíl.
Umbýtilig lánsbrøv eru, sum longu nevnt, undir punkti 1 og verða tí viðgjørd
sum virðisbrøv.
7.3.2.2.1. Avhending
Eftir § 6, stk. 1 í kapitalvinningsskattalógini er meginreglan, at vinningur og
tap av krøvum og skuld undir hesum punktum skal verða roknað við í
uppgerðina viðvíkjandi skattskyldugu inntøkuni eftir § 14 í tí inntøkuári-
num, vinningur ella tap eru ásannað (realisasjónsmeginreglan).
Tað verða ikki sett ávís krøv um realisasjónsháttin, ella sagt á annan hátt,
hvussu vinningurin ella tapið eru realiserað. At realisera vinning og tap
viðvíkjandi krøvum og skuld er tó treytað av broytingum í viðurskiftunum
millum ognaran og skuldaran, t.d. við innloysing ella avhending. Vanliga
kann skuldaraskifti ikki fara fram, uttan at ognarin loyvir tí. Í teimum før
um, tá eitt skuldaraskifti fer fram, eftir tað at ognarin hevur givið loyvi til
tess, er realisering fyri ognaran løgd fram. Fer eitt skuldaraskifti fram, uttan
at ognarin loyvir tí, er bara talan um realisering fyri skuldaran. Fyri ognaran
er tá eingin realisering farin fram. Tá ognarin avhendar krav sítt til triðja-
mann, er avhending fyri ognaran løgd fram, men ikki fyri skuldaran. Tá er
eingin realisering farin fram viðvíkjandi skuldini hjá skuldaranum.
Dømi um umstøður, ið gera tað, at vinningur og tap verða realiserað, kunnu
vera:
• at skuldarin innloysir skuldina fult ella partvíst. Bæði ognari og skuldari
ásanna við hesum vinning ella tap. Undir hetta hoyrir at konvertera eitt
krav til partabrøv í debitorfelagnum.
• at ognarin avhendar kravið. Við avhending verður meint, at ognarrætt-
urin til kravið verður fluttur. Tað hevur einki at siga, um tað at avhenda
ognarrættin hendir av fríum vilja ella er tvungið. Reglurnar galda tí eisini,
