Marknaðartillaging
Product (P. 1)
142
Marknaðarlæra • Søla og tænasta
Tí ræður um at vøruráðini, ið eru grundarlagið undir virkseminum í
virkinum, eru lagaði til endamálið, ið er at fáa keyparar at taka undir
við merkinum og ætlaða virkisprofilinum.
Vøruráðini eru tey kappingarráð, ið eru støðið undir marknaðartilboði og
soleiðis elva til sertokka hjá málflokkinum.
Skulu fleiri og samansett tiltøk verða brúkt í tillagingini og til-
eggjanini, kann verða torført at seta saman røttu vøru- og søluráðini.
Umráðandi er tí, sum tilskilað, at brúka rætta leistin rætt. Søluráðini
eru tey, ið sipa beinleiðis til, hvussu virkið samskiftir og fær samband
við marknaðin og væntandi keyparar.
Søluráðini eru tey kappingarráð, ið ávirka og kunna málflokkin og eggja
honum til at keypa.
Leggja árar út og søkja miðini
Lætt er at ímynda sær, at marknaðarkanningar kunnu ýta av og vísa á
gongdar leiðir. At marknaðarføra vørur og tænastur kann á tann hátt
sipa aftur í at draga bát av lunni, leggja árar út og søkja miðini. Rekur
hart á kíkin, ræður um skilagóðan róðursmann, gott áralag, bæði orku
og evni at leggja afturáaftur, er komið av leið.
Kappingarráðini eru vøruráð og søluráð
Marknaðartillaging
er at laga vøru til
marknaðin,
kappingarstøðu og
samfelagsgongd,
eftir tørvi og
væntanum, ið
málflokkurin setur.
• Vørumerki og vørunavn
• Vøra og vørudygd
• Vøruúrval
• Vørupakking
• Vøruprísur
• Skiftisskipan
• Handilslega
• Tænastuskipan
Vøruráð
Marknaðaráeggjan
er at ávirka og
kunna marknaðin,
samskifta við
málflokkin og fáa
hann at keypa.
• Persónlig søla
• Reklama
• Public Relations (PR)
• Sales Promotion
Søluráð
Tey 4 P-ini
Fyri fáum árum síðani hevur nýtt fremmant hugtak stungið seg upp
og otað seg inn í lærugreinina marknaðarføring. Og sum annað mangt
er máliskan av amerikanskum uppruna. Tiltakið verður nevnt Tey 4
P-ini, ið umboða ella standa fyri Product (vøra), Price (prísur), Place
(pláss) og Promotion (áeggjan).
