VARANDI ORKUKELDUR
162
Frá kuldaskápi til jarðvarma
Vit skulu her við myndum vísa, hvussu ein
jarðvarmaskipan kundi verið gjørd.
Fyrst
verður eitt metalrør
lagt um køliplátuna í
kuldaskápinum.
Síðan verður ein
vatnslanga, sum er 200
metrar long, grivin niður í
grasvøllin.
Í slanguna stoyta vit vatn
og seta hana fasta í rørendarnar.
Við aðra samankomingina
seta vit eina el-pumpu, sum kann
pumpa vatnið runt.
Vatnið í
slanguni hevur sama
hitan sum vøllurin, til
dømis 5°C.
Við køliplátuna
kólnar vatnið, t.d.
niður í 4,5°C.
Latni
varmin verður brúktur
at verma rørini aftan fyri
kuldaskápið. Rørini virka sum
radiatorur.
Tá ið kølda vatnið
kemur aftur í vøllin,
verður tað vermt upp
í 5°C.
