181
kemst av, at partabrøv hjá nærstandandi hjá avhendaranum eisini verða rokn
að uppí. Herumframt verða partabrøv tald við, sum eru ogn hjá feløgum,
grunnum o.ø. har framanfyri nevndi, millum annað av ognhaldi, viðtøkum,
avtalu ella felags leiðslu, hevur avgerandi ávirkan. Tó vera umbýtilig lánsbrøv
ikki roknað uppí.
Triðja treytin fyri successjón í livandi lívi er, at hvør avhendan viðvíkjandi
partabrøvum er í minsta lagi 10% av atkvøðuvirðinum. Er talan t.d. um eini
hjún, sum hvørt í sínum lagi avhendir partabrøv til børnini, skal hvør av
hendan vera í minsta lagi 10% av atkvøðuvirðinum. Ikki er møguligt at
leggja virðini saman.
Skattligu fylgjurnar av successjón í livandi lívi eru, at vinningur og tap ikki
verða skattað hjá avhendaranum. Útvegarin kemur skattliga í avhendarans
stað, tá ið virðisbrøvini verða avhend. Tá vinningur ella tap hjá útvegaranum
við avhendan skulu verða gjørd upp, verða virðisbrøvini roknað sum útvegað
fyri ta útveganarupphædd, avhendarin fekk tey fyri.
Hevur útvegarin hall, sum stavar frá tíðini framman undan successjónini,
kann útvegarin eftir § 13, stk. 8 ikki draga hetta hallið frá í vinningi, hann
fær fyri at selja virðisbrøv, sum hann hevur yvirtikið á henda hátt. Ásetingin
er gjørd fyri at fyribyrgja spekulasjón. Sum dømi kann verða nevndur høvuðs-
parteigari, sum við vinningi ætlar at selja virðisbrøv, sum útloysir skatt. Í
staðin fyri at selja virðisbrøvini sjálvur, kunnu virðisbrøvini latast einum
móttakara, ið hevur ónýtt hall. Hann selur síðan virðisbrøvini og mótroknar
hallið í staðfestum vinningi. Sølupeningurin kann síðan verða givin latar
anum aftur skattafrítt, sbr. § 29, nr. 3 í skattalógini. Á henda hátt kann skatt
legging eftir hesi lógini verða umgingin.
Avgerðin, at útvegarin kemur í avhendarans skattliga stað, skal verða frá-
boðað TAKS í seinasta lagi, tá ið avhendarin letur inn sjálvuppgávuna.
7.3.6. Skattafrítt partabrævaumbýti
Við virknaði frá 1. januar 2016 hevur borið til at fremja partabrævaumbýti
skattafrítt. Tað er ein treyt, at útvegandi og útvegaða felagið eru skrásett sum
partafeløg ella smápartafeløg í Føroyum.
Heimildin er í § 13a í kapitalvinningsskattalógini, sum ásetur, at parteigararnir
í útvegaða felagnum kunnu í sambandi við umbýti av partabrøvum verða
skattaðir sambært ásetingunum í §§ 9 og 11 í løgtingslóg um skattafría
samanlegging.
