Marknaðartileggjan
Promotion (P. 4)
209
Marknaðarlæra • Søla og tænasta
Óbeinleiðis reklama afturímóti ávirkar á breiðari grundarlagi og
vendir sær ikki til úrvaldar keyparar. Eingin beinleiðis móttakari er
settur á lýsingaboðskapin. Lýsingar í dagbløðum, útvarpslýsingar og
sjónvarpslýsingar, plakatir og skelti eru dømi um óbeinleiðis reklamu.
Beinleiðis reklama er, tá ið sølutilfar verður sent beinleiðis til væntandi og
ofta úrvaldar keyparar.
Óbeinleiðis reklama er, tá ið eingin beinleiðis móttakari er settur á lýsinga-
boðskapin.
Informativ og manipulativ reklama
Sjáldan er so vorðið, at reklama annaðhvørt er manipulativ ella
informativ. Summar sølulýsingar eru kortini meira villleiðandi enn
upplýsandi og øvut. Einki løgið er í hesum, tí at vørusløg og vøru-
endamál eru mong og ymisk, eins og keypararnir sum oftast eru bæði
fjølmentir og fjølbroyttir.
Informativ reklama er upplýsandi og kunnar um vørueginleikar og
fyrimunir. Tílík lýsing veitir brúkaranum ítøkiligar upplýsingar
um vøruna ella veitingina, hvar hon er at fáa, ella hvar tú kanst fáa
meira at vita um tilboðið. Sølulýsingar, ið snúgva seg um reiðskap,
tekniskar vørur, tól og annað tílíkt, eru sum oftast informativar.
Informativ reklama upplýsir og kunnar eina mest um vørueginleikar og
fyrimunir.
Manipulativ reklama upplýsir lítið og einki um vøru og vørueginleikar.
Heldur er lyndi til í myndum og teksti at káva út yvir veruleikan og
ávirka kenslurnar meira. Tí er ikki altíð so lætt at síggja, hvørjar egin-
leikar og fyrimunir ein vøra hevur fram um eina aðra. Tær allarflestu
sølulýsingarnar, ið snúgva seg um mótaklæði, luktilsi og annað slíkt,
eru rættiliga kenslubornar og ikki sørt villleiðandi við hvørt.
Manipulativ reklama er ofta veruleikafjar, upplýsir lítið og einki um starvs-
ligar vørueginleikar og ávirkar heldur kenslur og hugburð.
Ørgrynni av merkisvørum verða lýstar til sølu á nýtaramarknaðinum.
Tað kensluborna og veruleikafjara verður ofta serliga sjónskt í sjón-
varpslýsingum og á internetinum. Tann manipulativa reklaman
gandar fram eina mynd av einum tølandi heimi, har sum alt ber til og
einki er óført.
