186
unalu skattakærunevndina. Avgerðir hjá henni kunnu síðan verða skotnar
inn fyri Skatta- og avgjaldskærunevndina.
Skattgjaldari kann lata dómstólarnar viðgera avgerðir eftir kapitalvinnings-
skattalógini uttan fyrst at leggja málið fyri Skatta- og avgjaldskærunevndina.
7.3.12. Skiftisreglur
Tá kapitalvinningsskattalógin kom í gildi 16. november í 2001, vóru skiftis
reglur, sum ásettu, at tey virðisbrøv, sum vóru útvegað, fyri henda dag, skuldu
framvegis viðgerast eftir ásetingunum í virðisbrævaskattalógini, sum hevði
verið galdandi frammanundan. Tær ásettu m.a., at virðisbrævasøla var skatta
frí, um eigarin hevði átt tey í trý ár, tó so, at var eigarin høvuðspartaeigari, var
sølan skattafrí aftaná tað, at hann hevði átt tey í 10 ár.
Sí
avgerðir (mál nr. 06-02-22-30, nr. 06-02-22-31 og nr. 07-02-22-29) hjá Skatta- og
avgjaldskærunevndini frá 13. juni í 2007 og (mál nr. 07-02-22-34, nr. 07-02-22-35
og nr. 07-02-22-36) frá 29. august í 2007
um, at tað at avhenda partabrøv, sum vóru
eldri enn 10 ár, til útgevandi felag, skuldi verða roknað sum útlutað vinningsbýti,
hóast kærararnir kravdu, at avhendingarnar komu undir tágaldandi skiftisreglu í §
27 í lógini. Avgerðirnar eru partvíst endurgivnar frammanfyri undir 7.3.2.1.1.
Avhending.
Við einari broyting í lógini í 2006 varð henda skattafrítøka avtikin, so av
hending 1. januar í 2007 ella seinni, uttan mun til eigaratíð, kom at verða
skattskyldug. Hinvegin vildi landsstýrið tó tryggja, at tann vinningur ella
virðisøking, sum er staðfest viðvíkjandi virðisbrøvum fram til 1. januar í
2007, framvegis skal vera skattafrí.
Við grundarlagi á hesum søguliga baksýni er í § 28 í kapitalvinningsskatta
lógini ein skiftisregla, sum helst kemur at vera týdningarmikil nøkur ár her
eftir.
Her er ásett, at skattliga
útveganarvirðið
av virðisbrøvum undir § 1, nr. 1, ið
eru útvegað fyri 16. november í 2001, og sum ikki eru avhend fyri 1. januar
í 2007, skal verða ásett til mett handilsvirði eftir innara virðinum í felagnum
seinast í roknskaparskeiðinum, sum endar í 2006. Hetta skattliga útvegan
arvirðið skal verða gjørt í skattauppgerð fyri seg, sum grannskoðari hevur
váttað.
Landsstýrismaðurin hevur við kunngerð nr. 131 frá 27. desember í 2006
ásett gjøllari reglur um, hvussu hetta skattliga útveganarvirðið skal verða
gjørt upp. Uppgerðin skal sendast TAKS, sum kann eftirkanna og gera
broytingar í virðisásetingini viðvíkjandi ogn og skuld.
