177
3. Rentutilskriving av innilæstum dýrtíðarviðbótum hjá Lønmodtagernes
Dyrtidsfond.
7.3.2.5.1. Tíðargreind dekort og samsýning fyri viðhangandi rentu
Samsýningin fyri viðhangandi rentu ella góðskrivaða rentu, sum verður rind
að í sambandi við, at rentuberandi krøv verða avhend ella útvegað, skal verða
tikin við í uppgerðina viðvíkjandi rentuinntøkuni tað inntøkuárið, tá av
hendingin ella útveganin fer fram.
Slík samsýning verður roknað við at stilla rentuinntøkuna, sum er knýtt at
kravinum, t.d. einum lánsbrævi, ið verður útvegað ella avhent.
Somuleiðis skal dekort, sum verður goldið einum peningastovni í sambandi
við at innistandandi verður tikið út í ótíð, verða tikin við í uppgerðina
viðvíkjandi rentuinntøku tað árið, samsýningin verður skuldskrivað (tað
árið, peningurin verður tikin út).
Hesar ásetingar um tíðargreining kunnu hava við sær, at einstaklingar ella
løgfrøðiligir persónar fáa negativa rentuinntøku, sum kann verða tikin við í
uppgerðina viðvíkjandi skattskyldugu inntøkuni eftir § 14.
7.3.2.5.2. Uppgerð viðvíkjandi rentuinntøkum eftir ávikavist
kapitalvinningsskattalógini og skattalógini
Einstaklingar og deyðsbúgv skulu taka rentuinntøkurnar eftir hesum punkti
við í uppgerðina vuðvíkjandi skattskyldugu inntøkuni eftir § 14 í kapital
vinningsskattalógini. Allir aðrir løgfrøðiligir persónar skulu taka rentuinntøkurnar eftir hesum punkti við í uppgerðina viðvíkjandi skattskyldugu inntøk
uni eftir skattalógini.
7.3.2.6. Aktiv undir § 1, nr. 7
Aktiv undir hesum punkti eru rentuútreiðslur sambært § 10, stk. 3.
Talan er einans um rentur, sum einstaklingar hava av lántøku í peningastovn
um o.ø. fyri at fíggja útvegað virðisbrøv. Vert er at geva gætur, at løgfrøðiligir
persónar kunnu ikki brúka henda møguleika (aktiv).
Slíkar rentuútreiðslur kunnu verða mótroknaðar í kapitalvinningi. § 14, stk.
4 ásetur, at um eingin kapitalvinningur er at mótrokna hesar rentuútreiðslur
við, kunnu rentuútreiðslurnar verða fluttar fram til mótrokning í kapital
vinningi næstu 5 árini. Í hesum tíðarskeiði kann hallið bara verða flutt til
frádrátt fyri eitt seinni inntøkuár treytað av, at tað ikki rúmast í møguligum
nettovinningi í einum inntøkuári frammanundan.
