171
Verður skuldin innloyst við avdráttum, skal ein lutfalsligur vinningur ella tap
verða tikin við í avgjaldskyldugu inntøkuna so hvørt, sí niðanfyri um
uppgerðina viðvíkjandi vinningi og tapi av skuld.
7.3.2.2.3. Uppgerðin viðvíkjandi vinningi og tapi av skuld
Vinningur og tap av skuld verða gjørd upp sum munurin millum virðið á
skuldini, tá skuldin verður stovnað, og virðið, tá skuldin verður innloyst ella
frígivin. Virðið, tá skuldin verður stovnað, er vanliga tann upphæddin, sum
skuldarin fekk útgoldna, tá kravið íkom, ella virðið, sum varð avtalað við
skuldarskifti.
Virðið á skuldini, tá hon verður innloyst ella frígivin, er tað virðið, sum
skuldarin rindar, ella virðið í vanligum handli.
Verður skuldin loyst við avdráttum, verður roknað til avgjaldskyldugu inn-
tøkuna so stórur partur, sum svarar til lutfallið millum (loysivirðið – útvegan
arvirðið) og loysivirðið.
Dømi: Eitt lán, nominelt kr. 100.000 er stovnað til undirkurs, soleiðis at
bara kr. 80.000 vóru útgoldnar, tá lánið varð stovnað. Árligur avdráttur er kr.
10.000. Kurstap at draga frá fyri hvønn avdrátt er:
100.000 – 80.000 x 10.000 = 2.000
100.000
Lánsútreiðslur og handilsútreiðslur í sambandi við skuldarstovnan, t.d.
„gebyrer“, „kurtage“, stovningarprovisión o.a. kunnu verða lagdar aftur at
útveganarvirðinum. Sama er galdandi fyri lánsútreiðslur og tílíkt, t.d. stovn
ingarprovisión, grannskoðanarútreiðslur og advokatútreiðslur í sambandi við
at taka lán, og sum ikki kunnu verða drignar frá í rakstrinum. Eisini kunnu
útreiðslur í sambandi við avhending og innloysing verða drignar frá í avhend
ingarupphæddini ávíkavist innloysingarupphæddini.
7.3.2.2.4. Samanlagdur vinningur oman fyri 1.000 kr. um árið er
skattskyldugur
Vinningur undir hesum punktum, sum einstaklingar og deyðsbúgv hava,
skal bara verða roknaður við í avgjaldskyldugu upphæddina, um samanlagdi
vinningurin í einum álmanakkaári er størri enn kr. 1.000. Við hesum verða
allir teir smærru vinningarnir undantiknir skattskyldu. Grundgevingin fyri
hesum er, at hetta lættir um lógarfyrisitingina.
Bara tap av lánsbrøvum, veðbrøvum og skuldarbrøvum, ið eru skrásett á
