164
Vinningur ella tap av virðisbrøvum, sum eru liður í eftirlønarskipanum, ið
eru undir rentutryggingarlógini, skulu
ikki verða tikin við í uppgerðina
viðvíkjandi skattskyldugu inntøkuni eftir kapitalvinningsskattalógini.
Inngjøld
og avkast av fíggjaraktivum í eftirlønarskipanum undir rentutryggingarlógini
verða ikki uppgjørd til skattingar, fyrr enn tey verða útgoldin. Sí gjøllari
seinni um rentutryggingarlógina.
7.3.2.1.1. Avhending
Lógin fevnir um at selja og aðra avhending viðvíkjandi virðisbrøvum. Í hes
um liggur, at øll avhending er undir lógini, bæði sjálvboðin og tvungin
avhending. Viðtøkubroytingar kunnu verða javnsettar við sølu/avhending,
um tær broyta lutfalsliga ognarbýtið og við hesum fíggjarligu rættindini mi-
llum partaeigararnar, eitt nú broytt rættindi til vinningsbýti, lutfallið til vin-
ningsbýti ella tað at fastfrysta kursvirðið fyri ein part av partabrøvunum. Tá
líkningarvaldið skal meta um, um talan er um avhending í slíkum førum,
skal dentur verða lagdur á, hvussu munandi broytingin viðvíkjandi rættind
um, ið fylgja partabrævinum, er. Jú størri broytingin er, tess størri orsøk er at
meta viðtøkubroytingina sum eina avhending.
Skatta- og avgjaldskærunevndin hevði 13. juni 2007 til viðgerðar trý kærumál (nr. 06-
02-22-30, nr.
06-02-22-31 og nr. 07-02-22-29),
har spurningurin var, um tað at
avhenda partabrøv til útgevandi felag skuldi verða mett sum útlutað vinningsbýti, so
sum líkningarvaldið kravdi, ella skuldu verða mett sum avhending, soleiðis sum
skattgjaldararnir vildu. Í øllum trimum málum høvdu verandi partaeigarar avhent
partabrøv, sum teir høvdu útvegað fyri 16. november 2001 og átt longur enn 10 ár í
avvarðandi feløgum. Við ávísing til tágaldandi skiftisreglu í § 27 í kapitalvinnings-
skattalógini kravdu teir tí, at avhendingarupphæddin skuldi vera skattafrí.
Líkningarvaldið hevði sýtt fyri at góðtaka, at talan var um veruligar avhendingar, tí
hóast talan um formliga at selja felagnum partabrøv, helt líkningarvaldið ikki, at
veruliga innihaldið í handlunum kundi verða javnmett við at selja ella avhenda, tá ið
somu partaeigarar eftir søluna framvegis áttu alt partafelagið, øll inntøkuskapandi
rakstrargøgn íroknað.
Skatta- og avgjaldskærunevndin tók undir við hesum sjónarmiði. Hon helt,
at
dispositiónirnar kundu ikki skattliga verða viðgjørdar sum søla, tí tær høvdu ikki við sær
broytingar í ognarviðurskiftunum í feløgunum
. Nevndin staðfesti tí avgerðina, at talan
var um útlutan, sum vinningsbýtisavgjald skuldi verða rindað av.
Skatta- og avgjalds
kærunevndin
hevur
29. august 2007 tikið avgerðir í trimum øðrum meinlíkum málum
(mál nr. 07-02-22-34, nr. 07-02-22-35 og nr. 07-02-22-36),
har avgerðirnar
hjá
líkningarvaldinum vórðu staðfestar við somu grundgevingum.
