172
virðisbrævamarknaðum, kunnu verða drigin frá i kapitalvinningsinntøkuni.
Hetta er sett í lógina fyri at verja fyri misbrúki við t.d. lánum í familjuviður-
skiftum.
Tap av krøvunum, ið eru nevnd omanfyri, kunnu óskerd verða drigin frá í
uppgerðin eftir § 14 í kapitalvinningsskattalógini.
7.3.2.3. Aktiv undir § 1, nr. 4
Aktiv undir hesum punkti eru einans keypsrættindi og sølurættindi til tey
virðisbrøv og fíggjarkrøv o.a., ið koma undir punkt 1 og 2, soleiðis sum hetta
er tilskilað frammanfyri.
Keypsrættur er avtala, ið gevur ognaranum rætt – men ikki skyldu – at keypa
ávísa ogn fyri ávísan prís ein ávísan dag, ella fyri ein ávísan dag. Fyri útgevar
an merkir avtalan, at hann hevur skyldu at selja, um tann, ið keypt hevur
rættin, vil nýta hann.
Sølurættir eru avtalur, har ognarin hevur rætt til – men ikki skyldu – at selja
ávísa ogn fyri ávísan prís ein ávísan dag, ella fyri ein ávísan dag. Fyri útgevar
an er galdandi, at hann hevur skyldu at keypa fyri avtalaða prísin, vil ognarin
nýta sølurættin.
Felags fyri nevndu sløg av avtalum er, at tað er ein tíðarmunur millum, tá
avtalan er gjørd, og tá handilin verður avgreiddur.
§1, nr. 4
fevnir ikki um terminssáttmálar
. Terminssáttmálar eru slíkir, har
báðir partar hava skyldu til at keypa/selja. Ein terminssáttmáli gevur so statt
ikki ein valmøguleika at nýta ein keypsrætt og sølurætt, eins og galdandi er
fyri tey keypsrættindi og sølurættindi, sum tilskilað eru omanfyri. Vinning
ur og tap av terminssáttmálum verða tískil roknað at vera vanligar avtalur
við seinni avgreiðslu. Ofta verður ávísa ognin (undirliggjandi aktivið) tó
ikki avgreidd. Í tílíkum førum skulu vinningur og tap verða viðgjørd eftir
vanligu reglunum í skattalógini. Hetta er eisini galdandi, um so er, at ávísa
ognin (undirliggjandi aktivið) ikki kann verða avgreitt, t.d. tá hetta er eitt
indeks.
Hóast tekningarrættir eru at meta sum keypsrættir, skulu teir verða viðgjørd
ir eftir § 1, nr. 1. Hetta er fram um alt tí teir natúrliga hoyra saman við virðis-
brævinum, og tí tað ger søluuppgerðina lættari.
