263
ikki verða roknað við í kapitalvinningsinntøkuna hjá búnum, jbr. § 12 í
kapitalvinningsskattalógini. Í slíkum førum kemur hann, ið fær hesar ognir,
í skattligu støðuna hjá tí deyða
.
Tá endaliga uppgerðin hjá búnum sambært galdandi skiftisreglum verður
gjørd, skulu tær ognir, sum kunnu verða avskrivaðar, og ognir, sum skulu
verða skattaðar av sølu eftir § 27 í skattalógini, verða mettar sum tær eru
avhendar fyri handilsvirðið uppgerðardagin viðvíkjandi búnum. Somuleiðis
skulu í hesa uppgerð allar burturleggingar av einum og hvørjum slag verða
tiknar til inntøku aftur. Allar ognir, sum avskrivaðar eru, skulu so statt verða
mettar sum seldar í seinasta lagi uppgerðardagin, og vinningur, sum tá kemur
fram, skal verða taldur við upp í skattskyldugu inntøkuna, eins og hall verður
frádrigið.
Eftir uppgerðardagin fara ognirnar til arvingarnar. Ein møgulig skattskylda
liggur tí aftaná uppgerðardagin á arvingunum.
17.11. BÚSUPPGERÐIN
Vanliga kann ein búsviðgerð verða liðug innan 15 mánaða tíðarskeiðið, sum
miðað verður eftir í skattalógini. Dagurin, tá arvingarnir taka við arvinum,
verður nevndur skildagurin, og skal á hesum degi verða gjørd ein endalig
uppgerð fyri búgvið. Henda uppgerð verður nevnd: „Búsuppgerð eftir §
14-uppgerð“ og er eitt serligt oyðublað, sum fæst frá TAKS, skiftirættinum
ella sýslunum. Uppgerðin byggir á § 14-uppgerðina, men vísir møguligar
broytingar og hendingar, sum eru farnar fram, síðani § 14-uppgerðin varð
gjørd.
Skattskyldan hjá búgvum, sum verða tikin til
almenna skiftisviðgerð
fevnir
eftir § 15, stk. 1 í skattalógini um inntøkur, sum vunnar eru í tíðini frá and
látinum til tann dagin, sum í tí endaligu uppgerðini verður nýttur sum
uppgerðardagur og skildagur. Inntøkur, sum tann deyði hevur vunnið rættin
til, áðrenn hann doyði, verða ikki tiknar við í inntøkuna hjá búnum.
Skattskyldan hjá búnum fevnir eisini um inntøku, sum er fingin til vega í
sambandi við at ognir verða útlutaðar til arvingar ella eftirsitandi hjúnafelaga,
bæði undir sjálvari skiftisviðgerðini og á skildegnum.
Skattskyldan hjá búgvum, sum verða tikin til
privata skiftisviðgerð
fevnir eftir
§§ 15, stk. 3 og 17, stk. 1 í skattalógini um inntøkur frá deyðadegnum til
tann dagin, sum nýttur verður sum skildagur í tí endaligu búsuppgerðini.
Verður endalig búsuppgerð ikki gjørd innan 15. mánaðir eftir andlátið,
