261
17.7. § 14-UPPGERÐIN
§ 14-uppgerðin er uppgerð yvir ogn og skuld deyðadagin og ein uppgerð yvir
inntøkur hins deyða frá inntøkuársins byrjan til andlátið. Í búgvum, har
ognir eru, sum kunnu verða avskrivaðar, skulu hesar ognir í § 14-uppgerðini
verða settar til tað skattliga virðið, sum ásett varð seinast í inntøkuárinum
undan. Harumframt kann verða roknað lutfalslig avskriving fyri tíðina fram
til andlátið eftir somu reglum, sum hin deyði hevði kunnað nýtt í inntøkuár
inum. Fyri maskinur, innbúgv og onnur rakstrargøgn verður salduvirðið,
áðrenn avskriving verður gjørd, javnað við útvegnarupphæddum og søluupp
hæddum á ognum, sum eru útvegaðar ella seldar, eftir at seinasta inntøkuár
er endað.
Í privatum skifti er tað millummaður arvinganna, sum skal senda inn §
14-uppgerðina. Í almennum skifti sendir hjálparin (ein advokatur) hjá
skiftirættinum § 14-uppgerðina inn.
§ 14-uppgerðin skal verða latin inn til skattavaldið innan 6 mánaðir eftir
andlátið. Um so er, at avgerðin um, hvussu búgvið skal verða viðgjørt, ikki
verður tikin fyrr enn seinni enn 4 mánaðir eftir andlátið, skal uppgerðin tó
latast skattavaldinum innan 2 mánaðir eftir tað, at avgerðin er tikin.
Ger eftirsitandi hjúnafelagin av at sita í óskiftum búgvi, samstundis sum ser
ognin hjá tí deyða verður skift, skal búgvið lata inn uppgerð yvir ogn og
skuld, sum á deyðadegnum eru serogn hjá tí deyða. Í slíkum førum skal inn
tøkan hjá tí deyða fyri tíðina innan andlátið í síni heild verða skattað eftir §
13 í skattalógini, t.e., at eftirsitandi hjúnafelagin verður settur í skatt av allari
inntøku hjúnanna í tí inntøkuári, andlátið var, og soleiðis verður fyribils
skattur hjá tí deyða ikki mettur sum endaligur, jbr. § 14, stk. 8 í skattalógini.
17.8. BÚGVIÐ LETUR IKKI INN § 14-UPPGERÐ
Letur eitt búgv, ið er farið til privata skiftisviðgerð, ikki inn § 14-uppgerð,
kann skiftirætturin áleggja búnum eina dagliga sekt. Eisini er heimilað skifti
rættinum at taka búgvið til almenna skiftisviðgerð, verður uppgerðin ikki
latin inn rættstundis. Eftir § 14, stk. 7 í skattalógini skal skiftirætturin taka
búgvið til almenna skiftisviðgerð, er uppgerðin ikki latin inn innan 3 mánað
ir eftir tað, at freistin er úti.
