257
257
17. Skatting í sambandi við deyða
Skattskyldan hjá einstaklingi fellur burtur frá tí degi, hann er deyður.
Tað er skiftisviðgerðin fyri eitt búgv, sum ger av, hvørjar skattligar avleiðingar
eitt andlát hevur við sær.
Tá ið fólk doyr hava tey avvarðandi ella tey, sum eru hjástødd, skyldu at boða
sýslumanni ella skiftirætti frá andlátinum. Skiftirætturin boðar skattavald
inum frá andlátinum.
Skiftirætturin kallar inn arvingarnar til fundar, har teir verða bidnir um at
lata skiftirættinum allar upplýsingar um ognarviðurskifti o.a., sum hava
týdning í sambandi við eina skiftisviðgerð fyri búgvið eftir hann/hana, sum
doyði. Er eftirsitandi hjúnafelagi, kann hann verða sitandi við búnum óskift
um. Tá verður skattliga einki búgv, og eftirsitandi hjúnafelagin verður settur
í skatt av allari inntøku hjúnanna. Verður búgvið skift, kann skiftið fara fram
alment ella privat. Arvingar, sum skifta privat, skulu velja ein persón, sum
skal umboða teir mótvegis skattavaldinum. Í almennum skiftum er tað skifti
rætturin ella ein hjálpari hjá skiftirættinum (ein advokatur), sum tekur sær av
samskiftinum við skattamyndugleikarnar.
Er ognin hjá tí deyða ikki hægri enn umleið 35.000 kr., verða ognirnar lagdar
sum útlegg til gravarferðarútreiðslur sambært § 10 í skiftilógini, og búsvið
gerðin endar sum meginregla við hesum útleggi.
17.1. SKATTSKYLDAN HJÁ DEYÐSBÚGVI
Tá ein persónur er deyður, ásetur § 11 í skattalógini, at skattskylda hansara
fellur burtur deyðadagin. Samstundis kemur til sjóndar ein løgfrøðiligur
persónur, sum nevnist eitt deyðsbúgv. Bara deyðsbúgv, sum verða tikin til
skiftisviðgerðar, eru at meta sum skattasubjekt. Deyðsbúgv, sum verða tikin
til skiftisviðgerðar í Føroyum, hava fulla skattskyldu eftir § 1, stk. 1, nr. 7 í
skattalógini. Deyðsbúgv, sum verða tikin til skiftisviðgerðar uttanlands og
eiga ognir í Føroyum, sum geva inntøku, hava avmarkaða skattskyldug til
Føroya av hesum inntøkum, í tann mun tær eru nevndar í § 2 í skattalógini.
