249
Í samansparingartíðarskeiðnum er eftirlønin at meta sum kapitaleftirløn við
arvarætti, um ikki onnur avtala er galdandi. Tá eftirlønarsamansparari doyr,
fellur samansparda eftirlønarupphæddin til njótunartilskilaða sambært eftir
lønarsáttmálanum, um ikki onnur avtala er galdandi.
Um njótunartilskilaði er hjúnafelagi ella sambúgvandi, tó ikki barn, kann
hann velja at fáa alla ella part av eftirlønarsamansparingini flutta skatta-og
avgjaldsfrítt til sína egnu eftirlønarsamansparing. Samanlagda eftirlønar
samansparingin verður tá fevnd av ásetingunum í eftirlønarlógini.
Hevur eftirlønarsamanspararin eingi nærmastu avvarðandi, og er eingin
njótunartilskilaður innsettur, verður eftirlønarupphæddin við arvarætti
umløgd til eitt kapitalútgjald og gerst síðan partur av búnum.
Tá samansparda eftirlønin verður útgoldin, skulu hesar treytir lúkast:
1) Í
minsta
lagi 45% skal verað útgoldið sum lívslong veiting, lívrenta.
Lívrenta er ein eftirlønarskipan, sum verður útgoldin leypandi so leingi
tann, sum eigur og hevur stovnað samansparingina er á lívi, men sum
fellur burtur, tá ið viðkomandi doyr.
Lívslanga veitingin kann ongantíð verða kravd at vera hægri enn 40% av
einari arbeiðaraløn sambært sáttmálanum millum Føroya Arbeiðarafelag
og Føroya Arbeiðsgevarafelag.
2) Í
mesta
lagi 55% kann verða útgoldið sum lutaeftirløn, sum er ein eftir
lønarskipan, ið verður útgoldin í eins stórum lutum yvir eitt avtalað
tíðarskeið, tó í minsta lagi 10 ár.
3) Í
mesta
lagi 15% kann útgjaldast sum kapitalútgjald, sum er ein upp
hædd, ið verður útgoldin í einum.
Tá allar eftirlønir sambært nýggju eftirlønarlógina eru forskattaðar, skulu
hvørki skattur ella avgjøld rindast við útgjald.
