VATNIÐ Á JØRÐINI
103
Jú longri burtur vit koma frá mánanum, tess minni verður atdráttar
kraftin. Hinumegin jørðina er atdráttarkraftin hjá mánanum veik, men
kortini verður eisini flóð har. Hetta kemur av eini kraft, sum jørðin og
mánin í felag eru atvold til.
Mitt ímillum støðini við flóð lækkar sjógvurin, og vit siga, at tað
fjarar
. Munurin ímillum flóð og fjøru er størstur við eysturstrond
Kanada, við Nýfundland og við Bretagne í Fraklandi. Har standa
bátarnir beinleiðis á turrlagda havbotninum, tá ið fjøra er, hóast teir
nakrar fáar tímar frammanundan flutu á fleiri metra dýpi.
Tá ið sjógvurin streymar móti einum staði, soleiðis at sjógvurin
hækkar, siga vit, at tað
fløðir
. So skjótt sum tað er vorðið flóð, fer sjógv
urin at lækka aftur.
Flóð og fjøru merkja vit týðiliga á firðum og víkum. Úti á havinum
merkja vit lítið til hetta.
