215
11.2. UMSÓKN OG UPPLÝSINGARSKYLDA
Umsókn um loyvi til samskatting skal vera skrivlig og verða latin TAKS í
seinasta lagi saman við sjálvuppgávum og roknskapum hjá teimum feløgum,
sum skulu vera við í samskattingini, og ikki seinni enn 1. juli í árinum aftaná
tað, at fyrsta roknskaparskeiðið, sum samskattingin viðvíkur, endar.
Í umsóknini skal verða tilskilað, hvørji feløg skulu verða fevnd av samskatt
ingini. Skulu onnur feløg vera við í samskattingini eftir at fyrsta inntøkuárið
er endað, skal skrivlig umsókn latast TAKS um hetta í seinasta lagi 1. juli árið
eftir inntøkuárið, sum samskattingin viðvíkur, endar.
Fer eitt felag úr samskattingini, skal móðurfelagið í samskattingini skrivliga
boða TAKS frá hesum áðrenn freistin fyri rættstundis innlating av sjálv
uppgávu fyri inntøkuárið, sum serskatting viðvíkur, gongur út.
Loyvi verður ikki givið til samskatting, um eitt av feløgunum, sum koma
undir samskattingina, er undir trotabúsviðgerð. Kemur felag, sum er við í
samskatting, undir trotabúsviðgerð, verður samskattingin hesum felag við
víkjandi slitin við gildi fyri roknskaparskeiðið, tá freistdagurin sambært § 1 í
konkurslógini er.
Saman við umsóknini skulu verða latin skjalprógv, sum sanna áðurnevndu
krøv um eigaraskap, og sum sanna, at feløgini eru ikki undir trotabúsviðgerð.
Samskattað feløg skulu á hvørjum ári upplýsa um ognarviðurskiftini hjá sam
skattaðu feløgunum í roknskapi ella serstøkum skjali, sum skal verða lagt við
sjálvuppgávuni.
11.3. SAMSKATTING ENDAR
Vilja feløgini, at samskattingin skal enda, skulu tey geva TAKS boð um hetta
í seinasta lagi áðrenn freistin fyri rættstundis at lata inn sjálvuppgávuna fyri
tað roknskaparárið, sum serskatting skal byrja, er farin. Loyvi at taka upp af-
tur samskatting í slíkum føri verður ikki givið.
At enda skal verða gjørt vart við, at feløg, sum gera inntøkuna upp eftir ton-
saskattalógini, kunnu ikki verða samskattað við onnur feløg. Undirstrikast
skal harafturat, at tað einans er inntøka uppgjørd sambært skattalógini, sum
kann samskattast.
