86
5.1.2. B-inntøka og B-skattur
B-inntøka er skattskyldug inntøka hjá persónligum skattgjaldarum, sum
A-skattur ikki verður eftirhildin í. Skattgjaldarin skal lata skattavaldinum
upplýsingar um ætlaðu B-inntøkuna fyri árið. Av tí at skattavaldið skal brúka
væntaðu inntøkuna sum grundarlag undir at útskriva B-skattin, er tað vænt
aða nettoinntøkan, sum skal verða upplýst. Nettoinntøkan er væntaða
bruttoinntøkan við frádrátti av væntaðum rakstrarkostnaði og møguligum
avskrivingum. Tá hetta er gjørt, krevur skattavaldið inn fyribils B-skatt
sambært skattarokning, sum fellur til gjaldingar í 12 gjøldum hin 1. í
hvørjum mánaði við gjaldfreist til 20. í gjaldmánaðinum.
5.1.3. Endaligir A-skattir og B-skattir
A- og B-skattirnir, sum ígjøgnum árið javnan verða ávikavist eftirhildnir ella
goldnir sambært rokning, eru sum nevnt
fyribilsskattir.
Sjálvuppgávan fyri eitt
inntøkuár skal verða latin TAKS í seinasta lagi 1. mai árið eftir, at eitt inn
tøkuár er endað. Tá endaliga álíkningin eftir hetta er gjørd fyri farna árið,
kann úrslitið verða, at samsvar er ímillum fyribils og endaligan skatt. Ein ann
ar møguleiki er, at endaligi skatturin er hægri enn fyribilsskatturin. Tá hevur
skattgjaldarin skyldu til at rinda „írestandi skatt“
39
í trimum javnstórum
gjøldum tann 1. mai, 1. juni og 1. juli í álíkningarárinum. Triði møguleikin
er, at endaligi skatturin er lægri enn fyribilsskatturin. Tá hevur skattgjaldarin
rætt til at fáa afturgoldnan „avlopsskatt“
40
innan 1. oktober í álíkningarár
inum.
B-skattgjaldarar skulu lata inn sjálvuppgávu í seinasta lagi 1. mai
41
í álíkn
ingarárinum.
Vinnufeløg, deyðsbúgv o.o. skulu lata inn sjálvuppgávu í seinasta lagi 1. juli
árið eftir, at roknskaparárið endaði. Skatturin fellur til gjaldingar avvarðandi
ár í trimum gjøldum 1. oktober, 1. november og 1. desember við gjaldfreist
til 20. í mánaðinum.
39 Umframt eykagjald eftir § 78, stk. 2 í skattalógini, sum í løtuni er 4%.
40 Umframt endurgjald eftir § 79, stk. 3 í skattalógini, sum í løtuni er 4%.
41 Hesir og løntakarar uttanlands, vinnufeløg, deyðsbúgv o.o. kunnu í serligum førum eftir umsókn fáa
freistina longda, tó ikki út um 15. august í álíkningarárinum.
