Vinnulívsgrundarlag
109
Marknaðarlæra • Søla og tænasta
ll
Konsept í lágpríshandli
Hugskot
Hugskotið er at útvega viðskiftafólki á marknaðarøkinum heilt vanligar og bíligar
gerandisvørur.
Mál
Málið fram til 2020 er at vinna 20% av nevnda marknaðarøki, og at peninga-
íløgan í minsta lagi verður rentað 15%.
Málflokkur
Málflokkurin er húski við lutfalsligari lágari inntøku, ið leggja dent á at keypa
bíligar vørur, og sum eingi serlig krøv seta til vøruúrval, tænastu og innrætting í
handlinum.
Viðskifti
Málflokkurin letur seg lítið ávirkað av tilboðum frá øðrum handlum, og viðskifti við
málflokkin verður tí miðsavnað.
Handilslega
Handilin eigur at hava høgligar parkeringarumstøður, og skal standa tætt við stór-
handlar ella vøruhús. Húsaleiga er týðandi útreiðsla, og kann tí gera av, hvar
handilin stendur.
Príslega
Samanborið við kappingarneytarnar, til dømis stórhandlar og vøruhús, eigur prís-
legan í miðal at verða í minsta lagi 12% lægri.
Vørudygd
Fyri at varðveita lágu prísirnar, eigur at verða miðað eftir, at tær vørur, ið eru ikki
merkisvørur, eru av miðaldygd.
Innrætting
Miðað verður eftir, at øll vøra verður sýnd fram í pakking ella bjálving, sum vøru-
latarar hava latið. Íløgur í handilsinnbúgv og ljós eiga at verða í minsta lagi.
Tænasta
Tænastan er avmarkað og verður ikki sett í fremsta rað. Eingin prísur stendur á
einstøku vørunum. At bera ella koyra vørurnar út til viðskiftafólk kemur sjáldan
fyri.
Vøruúrval
Millum 1000 og 1500 vørunummur eru í vøruúrvalinum, og bara heilt fá frávik, eru
í einstøku vøruflokkunum. Vøruúrvalið verður valt millum vanligar gerandisvørur
við skjótari søluumferð.
Starvsfólk
Starvsfólkatalið verður avmarkað til tað, sum er avgjørt neyðugt og fatar um
handilsleiðara, kassafólk og tey, ið hjálpa til og fylla á hillarnar. Starvsfólkini
skulu vera ílatin eyðkennisbúna, men eingi serlig útbúgvingarkrøv verða sett
teimum, sum sett verða í starv.
Handil og framsíða
Framsíðan ella fasadan boðar frá navninum, men er annars einføld og lítið ágang-
andi. Tað skal kortini vera sjónskt, at handilin selur bíligar vørur. Fá, men fyndug
og dygg uppsløg verða sett á rútarnar.
