126
somu ognir ella verða drigin frá í inntøkuni tað árið, virkið heldur uppat. Eru
ognirnar framhaldandi ogn hjá virkinum, kunnu tær verða drignar frá við
eins stórum upphæddum í 10 ár.
At fáa og avhenda slíkar ognarlutir (goodwill og aðrar immateriellum ognir)
sum gáva ella arvaforskot verður javnmett við keyp og sølu. Flytur skattgjald
ari slíkan ognarlut frá vinnuligari nýtslu til eginnýtlsu ella frá eginnýtslu til
vinnuliga nýtslu, verða slíkir flutningar javnmettir við sølu. Keypspeningurin
og sølupeningurin er virðið í vanligum handli um avheningarmundið.
Hugtakið „goodwill“ er gjøllari lýst frammanfyri undir inntøkuhugtakinum.
5.3.8. Keypspeningur fyri fiskirættindi
56
§ 35b í skattalógini ásetur, at keypspeningur fyri øll rættindi eftir lógini um
vinnuligan fiskiskap, tó ikki veiðiloyvi, kann verða útreiðsluførdur í inn-
tøkuuppgerðini keypsárið.
Fevnir avtalan um slík rættindi um tíðarskeið, sum er longri enn eitt ár, kann
keyparin útreiðsluføra keypspeningin samsvarandi sum býtið viðvíkjandi tíð
arskeiðinum.
Tann, ið keypir veiðiloyvi, kann eftir § 11, stk. 3 í avskrivingarlógini aktivera
og avskriva virðið á veiðiloyvinum saman við skipsvirðinum.
5.4. RENTUÚTREIÐSLUR
Í Føroyum hevur í skattligum høpi leingi verið gjørdur munur á privatum og
vinnuligum rentuútreiðslum.
5.4.1. Privatar rentuútreiðslur
Vinnuligar rentur kunnu verða drignar frá í sjálvari inntøkuuppgerðini eftir §
33, nr. 1, jbr. frammanfyri. Privatar rentur kunnu fyri ein part verða drignar frá
í útroknaða skattinum. Við gildi frá 18. januar í 1991 var hesin frádráttur tó
avmarkaður til einans at fevna um rentur av privatari skuld stavandi frá egnum
bústaði, útbúgving og fyri gjald fyri ábyrgd sambært § 33, nr. 2 í skattalógini.
56 Sambært lógini um vinnuligan fiskiskap er
fiskiloyvi
ein rættur, sum landsstýrismaðurin hevur latið
ávísum skipaeigara, sum hevur veiðiloyvi at veiða ávíst fiskidagatal og/ella ávísa nøgd úr ávísum
fiskastovnum á ávísum leiðum í ávísum fiskiári.
Veiðiloyvi
er góðkenning, landsstýrismaðurin veitir
ávísum fiskifari at veiða á føroysku landleiðunum og á leiðum uttan fyri føroysku landleiðirnar.
