Skip to main content

Fysiologi

Grundbók í arbeiðsfysiologi og venjingarfysiologi

Nám gevur út fyrstu føroysku grundbók í fysiologi. Høvundar eru Magni Mohr og Svanna Hanusardóttir. Pól Jespersen, ritstjóri í Námi, hevur teknað og lagt til rættis saman við Sendistovuni, og Føroyaprent hevur prentað.

Fysiologi - Grundbók í arbeiðsfysiologi og venjingarfysiologi, sum hevur hópin av myndum, er ætlað at brúka í lærugreinunum ítrótti, lívfrøði og sjúkrarøktarfrøði. Málbólkurin er eisini venjarar, sum virka í frítíðarítróttinum.

Í fororðunum siga rithøvundarnir, at bókin er fyrst og fremst ætlað sum náttúruvísindaligi parturin av undirvísingini í ítrótti sum valgrein í miðnámsútbúgvingunum. Bókin, sum telur 270 blaðsíður, fer út um tað pensum, sum kunngerðin fyri lærugreinina leggur upp til.

Tilfarið er lagt soleiðis til rættis, at tað bæði kann verða brúkt til undirvísing í ítrótti á Fróðskaparsetrinum fyri læraralesandi, og partar kunnu verða brúktir til teirra, sum lesa námsfrøði og sjúkrarøktarfrøði. Eisini eru partar av bókini væl egnaðir sum undirvísingartilfar í lívfrøði í miðnámsútbúgvingunum bæði á miðstigi og á hástigi. Humanistiski parturin og samfelagsligi parturin eru tó ikki við.

Fysiologi - Grundbók í arbeiðsfysiologi og venjingarfysiologi er býtt upp í fýra høvuðspartar. Fyrsti partur er um grundleggjandi anatomi, har rørslukervið verður gjøgnumgingið í høvuðsheitum. Annar partur er ein gjøgnumgongd av grundleggjandi fysiologi og arbeiðsfysiologi. Hesir báðir partarnir eru ástøðiliga grundarlagið undir triðja parti, sum nágreiniliga viðger venjingarfysiologi, har dentur verður lagdur á ymisk venjingarøki. Her verða evni sum kropslig fyrireiking til kappingar, tilrættalegging og raðfesting av kropsligari venjing viðgjørd.

Fjórði og seinasti partur umfatar evnini kropsliga venjing og heilsu umframt arvalæru. Serstakliga triði og fjórði partur hóska væl sum evni í verkætlanararbeiði. Tveir teir fyrstu partarnir snúgva seg mest um klassiska fysiologi, og tveir teir seinastu partarnir byggja á nýggjari vitan. Torleikastigið er ymiskt í teimum ymsu pørtunum, og tí er avgerandi at velja partar burturúr alt eftir fakligu áhugamálunum og hvørjum fakligum stigi, undirvíst verður á.

Bókin verður at fáa í bókabúðunum hósdagin 18. juli. 

Onnur tíðindi

Ritstjóri til Nám og samskipari til Føroyar lesa

Les meira

Fríggjakvøldið vann 20y á Glasir kappingina hjá…

Les meira

Frágreiðing um landsroyndina 2020 er nú tøk á…

Les meira

Føroyakortið, sum Rói Højgaard teknaði fyri Nám…

Les meira

Á norðurlendskum skúlakjatti kanst tú koma í…

Les meira

Setanartala hjá Eyðuni Gaard, stjóra í Námi, tá…

Les meira

Samskipari av holocaust degnum er Ólavur í Geil.…

Les meira

Kringvarpið og Nám hava í ár samstarvað um…

Les meira

Formaðurin í dómsnevndini, Árni Øregaard, sigur,…

Les meira