Vørukurv

Lestrarmenning kom út sum sBók í 2022 og nú vit skriva 2024 er bókin liðug. Upprunaliga vóru 4 kapitlar í bókini, Nýggj á miðnámi,  Lestrar- og arbeiðshættir, Vísindaástøði og Miðlan og samskifti, í lidnu útgávuni eru tríggir kapitlar komnir afturat Skrivlig miðlan, Munnlig miðlan og Próvtøka.

Christian Ihlen hevur skrivað kapittulin um vísindaástøði, meðan Randi Kúrberg hevur týtt hinar úr donskum úr bókini Studievaner på stx, eftir Lise Ludvigsen. Annie Fjallsá, Rúna Jakobsen og Maria Gregersen hava staðið fyri fakligu viðgerðini og tillaga til føroysk viðurskifti.

Lestrarmenning er tilfar bæði til næmingar, lærarar, læraratoymið og vegleiðarar á miðnámi.

Næmingarnir fara í hesari sBókini at arbeiða við tilfari, sum gevur teimum betri lestrarføri.

Lestrarmenning leiðbeinir um nýtiligar lestrarvanar, og hvussu haldgóður, fakligur ágóði fæst burtur úr miðnámsskúlatíðini. Leiðbeiningin fevnir um prei og snildi at nýta í munnligari og skrivligari miðling í dagliga arbeiðinum í skúlanum, í sambandi við uppgávur og próvtøku, eins og næmingurin eisini verður kunnaður um m.a. eftirmeting, nýgerð, og hvussu næmingurin finnur sín egna læringarstíl.