Vørukurv

Filmsíðan hjá Námi er økt við tveimum føroyskum stuttfilmum, sum Heiðrik á Heygum hevur gjørt. Teir eru “Sigarett” og “True Love”. Eins og til fyrru stuttfilmarnar eru spurningar gjørdir til hesar báðar filmarnar eisini. Ein almennur frymil at greina film eftir, og ein nýteknaður frásagnarfrymil, "Hollwoodfrymilin", eru eisini gjørdir til filmsíðuna, har arbeiðsevni eisini er gjørt um journalistar á filmi. Tilfarið vendir sær til elstu flokkar fólkaskúlans og til miðnám. Eru ivamál um tilfarið og film til undirvísing yvirhøvur, eru vit í Námi altíð til reiðar at hjálpa og ráðgeva, alt eftir førimuni.