Vørukurv

Tvær tær seinastu bøkurnar í heimssøgurøðini til framhaldsdeildina koma út í summar. Í fjør kom heimssøga fram til 1700, og í summar koma Heimssøga – Frá 1700–1900 og Heimssøga – Frá 1900 til í dag. Jóan Pauli Joensen hevur týtt og tillagað bøkurnar.

Læraratilfar til allar bøkurnar verður tøkt at taka niður á heimasíðuni www.snar.fo/heimssoga. Bergur Rasmussen hevur týtt læraratilfarið. Harumframt hevur heimasíðan ymsar leinkjur og filmar, sum knýta seg at ymsu evnunum í bókunum. Lærarar eru vælkomnir at senda Snar slóðir, sum teir nýta, ella tilfar, sum teir vilja lata aðrar lærarar fáa innlit í.

Millum evnini, ið verða viðgjørd í Heimssøga - Frá 1700-1900 eru 1700-talið, franska kollveltingin og napoleonstíðin, Evropa broytist, nýggj ríki og heimsveldi og Norðurlond. Heimssøga - Frá 1900 til í dag byrjar við aldamótið 1900, og endar við samtíðarspurnigunum um yvirgang og  altjóðagerð.

Bøkurnar í heimssøgu eru ætlaðar sum tilfar saman við komandi bókum til somu árgangir um føroysku søguna.