Vørukurv

Lærarar gera nógv spennandi tilfar til skúlabrúks. Ofta røkkur hetta tilfar bara til teir næmingar, sum er so hepnir at hava hesar kreativu lærararnar.

Men undirvísingarportalurin Snar er ætlaður at vera savnsdepil fyri alt undirvísingartilfar. Tí fegnast vit í Námi um, at lærarar senda okkum tilfar.

Uppgávan um sangin hjá Billy Joel er ætlað til søgu í níggjunda flokki og er mett at taka tríggjar dupulttímar.

Bergur Rasmussen, lærari, sigur, at endamálið er, at næmingarnir fáa ment fatanina av, at søguskriving í stóran mun eisini snýr seg um, hvat søguskrivarar velja at taka við í sína søguskriving.

Harumframt er eisini meiningin, at næmingarnir við hesi uppgávuni skulu menna sína fatan av, at søga gongur fyri seg í tíðarrøð.

Allir lærarar eru vælkomnir at senda tilfar til Snarredaktiónina, sum kann veita vegleiðing og ritstjórnan, um tørvur er á tí. Teldupostadressan hjá Snartoyminum: snar@snar.fo

Søguuppgávan We Didn’t Start the Fire liggur her.